Matthew 22:24 - Syin Chin Bible

²⁴ “Syapa awng, Moses ii cina panin, pasal khat sia ta nei ngawlin a thi le a suapuipa in meingongnu sia teenpui tahen, tua hile ta a nei uh ciang, mithipa ta bangin, kingaisun tu hi.

Matthew 22:24 Iomraidhean Croise

Pianciilna 38:11

Tuasia ciang Judah in a monu Tamar tungah, “Na nungsang na pa inn zuan kik ta'n a, ka tapa Shelah a tangval mateng meingong in va om phot ta'n,” ci hi. Shelah zongh a suapuite bangma in a kithalup tu a lau hangin Judah in hi bangin a ci ahi hi. Tua ahiciang Tamar a nungsang zuan hi.

Pianciilna 38:8

Tua zawkciang Judah in Er ii suapuipa Onan tungah, “Pai in, na suapuipa zi meingong nu taw lumkhawm ta'n. Na suapuipa in suan le paal a nei thei natu in, a pasal suapui na hi bangma na vaipuak tu teng khuangkhim ta'n,” ci hi.

Matthew 22:16

Tua zawkciang amate in, a nungzuite pawlkhat le Herod mihingte pawlkhat paisak uh hi. “Sya awng, thumaan na son hi ci in hong he khu hi. Pathian ii mihingte atu a deisak thutakte, mihingte in bang ngaisun ci patau ngawlin na hil hi. Banghang ziam cile mihingte maitang na zakta bua hi.

Matthew 22:25

Tu in hi sungah unau pa sali om ngei hi. A lianbel sia in zi nei in ta nei ngawlin thi a meingongnu sia, a suapuipa in lua hi.

Matthew 22:36

“Sya awng, Thukham sung teng pan a lianbel le a thupibel thupiak sia koisia ziam?” ci in dongh hi.

Matthew 7:21

“ ‘Topa, Topa’ hong ci theampo Vantung ngam sungah a tum siat buatu hi, vantung ah ka Pa deina bang a ngamtate bek tum tu hi.

Mark 12:19

“Syapa awng, hi thukham sia Moses in ei atu in a at ahi hi: ‘Pasal khat in a zi thi san in ta a nei buale, a pasal ii suapuipa in meingongnu sia teenpui tahen, tua hile ta a nei uh ciangin mithipa ta hi ci in kingaisun tu hi,’ ci hi.

Luke 20:28

“Sya awng, Moses in hi thukhamte ei atu in a at hi: ‘Mihing khat in ta nei ngawlin a thi le, tua pa ii suapuipa in, meingongnu teenpui in, mithipa ii ta tatak bangin, a kingaisun thei tu in, ta neipui tu hi,’ ci hi.

Luke 20:33

Tu in mithite nungta tu in hong thaw kik ciangin numei sia akua ii zi hi tu ziam? Amate sali in teenpui tek hi,” ci uh hi.

Luke 6:46

“Banghangin ‘Topa, Topa’ hong cici napi, kong son bang vawt ngawl nu ziam?

Ruth 1:11

“Ka tanute awng, na heak kik uh kul tu hi,” ci in Naomi in zo hi. “Kei taw banghangin paikhawm nuam nu ziam? Na teenpui tu in tapate vei hing kik thei lai tu hong um nu ziam?

Ruth 3:13

Hi sungah zankhuateakin om vet in a, zingsang ciangin tua pa in nang vaipuak hong la tu ziam, hong la ngawl tu ziam ih en tu hi. Vaipuak hong la tu ahile a dik a pha hi, hong la bua ahile a nungta Topa tungah kiciamna vawt hi tong, keima in vaipuak la tu khi hi. Tu in hi sungah zingsang ciang dong lum po in,” ci hi.

Ruth 4:5

Boaz in, “Pha mama hi, ahizong Naomi kung panin lo na lei le, Moab meingong nu Ruth zongh a lei suak tu ni hi, tuasia ciang bekin a lo sia mithi pa ii bangkua sungah om tu hi,” ci hi.