Matthew 22:15 - Syin Chin Bible

¹⁵ Pharisee te pai a, kam doknate taw Jesus aitaa sawm uh hi.

Matthew 22:15 Iomraidhean Croise

Psalm Late 2:2

A kumpite in leedo a, a ukpite taw Topa le a teal kumpipa a thimthamin langpan khawm uh hi.

Psalm Late 41:6

Kei hong ve tu a hong pai te zongh a thin takpi hi ngawl hi; kei huvau thusiate khawmtua a, tua zawkciang pai in mun theampo ah son uh hi.

Psalm Late 57:6

Ka ngalte in kei hong mat natu in ngeen khat phalh hi; thinngimna taw ka kidim hi. Amate in ka lampi ah vuum khat to uh a, ahihang amate ma tua ii sungah taaksuk uh hi.

Psalm Late 59:3

En in! Amate in kei that tu in hong pang hi; mihing tatsiate ka lang ah hong kikhawmtua uh hi. Amate ii tuabang a, manlang tak a kei hong sim natu mun a zot uh sia, mawna khat po hang ahibuale ka tatkhialna khat po hang,

Isaiah 29:21

Ngual dang a sonsiate, khialna lian neite, daan piak tu a khaktante le thumaan mihingte tungah thu khaikim in thu a khen thei ngawl natu leilot thusonte sia Pathian in lalsak tu hi.

Jeremiah 18:18

Tuaciang mite in, “Jeremiah taw kisai in na pawlkhat seam sin tawng! Hong hil tu in thiampite, ngaisutna hong pia tu in miciimte le Pathian ii thupuak a thangsak tu in kamsaangte om tawntung tu hi. Ama tungah thu ih vawt tu a, ama thuson peuma ih ngai buatu hi,” ci uh hi.

Jeremiah 20:10

Mihing theampo kihuau a, “Mun theampo ah launa om hi! Tua ahikom thu neite tungah ama khia tawng!” a ci ka za hi. Ka itbel ka lawmte ngawngawn zongh in ka puk tu bek ngak uh hi. “Kitheam zo tha tu hi; tuasia ciang ih man thei tu a, phu ih lam tu hi,” amate in ci uh hi.

Matthew 12:14

Tuasia ciangin Pharisee te pusuak in Jesus a thalup thei natu vaihawm uh hi.

1 Corinth te 7:35

Hi bang teng kong sonna in, noma kong hu nopna hang ahi hi. Note tungah kikhaatnate hong pia nuam hi ngawl khi hi. Tua hizaw ngawlin, a maan le ahi tu bangin seamin, Topa ii na, na sepna sungah kheet nei ngawlin noma le noma na kibuppiak tu ka deina ahi hi.

Hebrew te 12:3

Ama thuakna teng ngaisun vun; bangza in mawneite ii a nasia tatak etsatna thuak ziam! Tua ahikom note zongh thinkiam heak vun, hanciam vun.