Matthew 22:13 - Syin Chin Bible

¹³ Tuasia ciang kumpipa in naseamte munah, ‘Hisia pa a khut a peang sawmcip vun a, doipua khuazingna ah vawk tavun. Tua munah ama kapin ha ngoai tu hi,’ ” ci hi.

Matthew 22:13 Iomraidhean Croise

Psalm Late 112:10

Mihing seksolte in hi thu mu in a thin uh uuk hi; amate in etsatna taw salh in tua teng taw amate a bo uh hi; amate lametnate a tawntungin mangthang hi.

Psalm Late 37:12

Mihing seksolte in mihing phate thasawmin etsatna taw salh uh hi.

Isaiah 52:1

Jerusalem awng, thahat in a, lian kik in! Pathian ii a thiangtho khuapi awng, puan et hoi silh in! Pathian um ngawl mite na kongpite sungah tum kik ngei nawn ngawl tu uh hi.

Daniel 3:20

Tuaciang ama in a ngalkaphonpi sung pan a thahat belte in hi mihing thum teng heencip in a lingh meiphual sungah khia tu in thupia hi.

Matthew 12:29

“Kuama in mihing thahatpa inn sungah tumin, a neisa ol takin a laaksak thei bua hi, tua mihing a thahatpa sia a letheen cip phot kul hi. A letheen zawkciang bekma in, a inn kiphuul thei pheang tu hi.

Matthew 13:30

Anlaak hun dongin mimphei le taangte na po khawmsak lel vun. Tuasia ciangin anlate munah, mimphei teng bot phot vun a, lomsawm in hal vun, tuasia zawkciang taang teng la in ka saal sungah khum vun,’ ” ka ci tu hi, ci hi.

Matthew 13:42

tuaciangin amate in tua mite meiphual sungah sep tu hi, tua munah amate kapin ha ngoai tu uh hi.

Matthew 13:50

meiphual sungah amate vawk tu a, tua munah ha ngoai in kap tu uh hi.

Matthew 24:51

A topa in ama sia nasia takin ngim pia tu a, a kihitheamsakte ii thuak tu teng thuaksak tu hi. Tua munah ama sia kap in ha ngoai tu hi,” ci hi.

Matthew 25:30

Hi naseam ngina ngawlpa ahile — doipua khuazing sungah not tavun; tua munah kap in ha ngoai tu hi,’ ci hi.

Matthew 8:12

Ahihang tua Kumpingam sungah om tu a kilawmte, khuazing sungah kivawk tu a, tua munah kapin ha ngoai in om tu hi,” ci hi.

Luke 13:28

Noma teng doipua ah hong kipuavawk laitakin Abraham, Isaac, Jacob le kamsaang dangte sia Pathian Ngam sungah na mu uh ciang, bangza in kap in ha ngoai in om tu nu ziam!

John 21:18

A maan takin kong ci hi: na khanmoi lai in, a kinging sa in na om bul a, na uukna theampo ah na pai bul hi, ahihang na khanhaam ciangin, na khutte na vaan tu a, tuaciang khat in khau hong khii in, na uuk ngawlna ah hong paipui tu hi,” ci hi.

Sawltakte 21:11

Ama ko kungah hong pai a, Paul kawngkhau la in, ama le ama a khut a peang kisawm a, “Thaa Thiangtho cina pan: Hi kawngkhau a neipa sia Jerusalem ah hi bang danin Jew te in khaukhii tu a, Gentile te khut sungah aap tu hi,” ci hi.

Sawltakte 7:54

Council sung a kihelte in, Stephen thuson a ngai uh ciangin, amate in thin uukna taw a ha ngoai san uh hi.

2 Thessalonica te 1:9

Ama ii mihing theampo le a thu um mihingte tung pan minthanna le vaang piakna a nga tu in, tua Ni Topa hong pai ciang, Topa mai le vaanglet minthan na pan amate kikhen tu a, tawntung lalcipna daan thuak tu hi. Note zongh, ko ii kong son thute um zo na hi uh ciangin tua thu um te sungah na kihel tu uh hi.

2 Peter 2:17

Hi mihingte sia a kang sa cik taw kibang a, vuipi suangval ii a seamkeak meeikaaite bang ahi uh hi; Pathian in amate atu in, a zing belna mun khealsiasak hi.

2 Peter 2:4

Pathian in a maw a khial vantunglalangte khoaikhe ngawlin, hell sung denna in nei hi, amate tua mun khuazing sungah Thukhenna Ni ngak tu in koltaang hi.

Jude 1:13

Amate sia tuipi sung a, tui kihualte taw kibang a, amate ii a maizumhuai ngamtatnate sia, tuiphuante bangin kilangh hi. Amate sia khuazing belna sung, a tawntung a om natu mun Pathian ii a koi kholsak, a vakthap aksite taw kibang hi.

Jude 1:6

Amate thuneina ciaciang sungah a om po ngawl, a teenna a nusia vantunglalangte phawk tavun: amate sia leinuai khuazingna ah tawntung thikkol kibul a, amate tungah thu a kitan tu Pathian ii Ni lianpi ni dong atu in Pathian in koi hi.

Thupualaakna 21:27

Ahihang a thiangtho ngawl, a maizumhuai a ngamtate le leilot theite kuama tua khuapi sungah a tum thei buatu uh hi. Tuuno nuntakna laibu sungah a min a kikhumte bek tua khuapi sungah tum thei tu uh hi.