Matthew 22:11 - Syin Chin Bible

¹¹ “Kumpipa sungtang in a leangnate a et ciang, mopoai puan silh ngawlpa khat mu hi.

Matthew 22:11 Iomraidhean Croise

2 Kumpite 10:22

Tuaciang Jehu in puantual thiangtho a keam thiampipa munah puantualte pusua in biakpiakna a vawtte pia in sawl hi.

Isaiah 52:1

Jerusalem awng, thahat in a, lian kik in! Pathian ii a thiangtho khuapi awng, puan et hoi silh in! Pathian um ngawl mite na kongpite sungah tum kik ngei nawn ngawl tu uh hi.

Isaiah 64:6

Eite theampo ih maw siat zo hi. Ih ngamtatna a phabelte ngawngawn a nincip hi siat hi. Ih mawnate hangin vui ii letkeak thingteekote taw ih kibang hi.

Kaa late 5:22

Tua ahibuale kote a tawntungin hong nial tu ni ziam? Na thin uukna in ciangtan nei ngawl ahi ziam?

Zephaniah 1:12

“Tua hun ciang in meiinn khat la in, Jerusalem ka zong tu hi. Amate le amate tumtakin lungkim a, a kimuang mite in, ‘Topa in a pha, a sia bangma vawt nei ngei bo’ a cite daan ka pia tu hi.

Matthew 13:30

Anlaak hun dongin mimphei le taangte na po khawmsak lel vun. Tuasia ciangin anlate munah, mimphei teng bot phot vun a, lomsawm in hal vun, tuasia zawkciang taang teng la in ka saal sungah khum vun,’ ” ka ci tu hi, ci hi.

Matthew 22:10

Tua ahikom naseamte in lam ziikpite ah pai in a mu theampo le mihing pha mihing sia a kibangin khawmtua uh hi; tuaciang in mopoai vawtna inn dim hi.

Matthew 3:12

Ama in taangkheaplaw a khut sungah toai zo hi. Zungtaangte hong kheap tu a taangtang teng taangsaal sungah khawmtua in, taangsi taangvai teng a mit ngeingawl meikuang sungah hal tu hi,” ci hi.

Romete 13:14

Tuate taangin Topa Jesus Christ ngalhiamte zamhin, cii le sa deina a lungkimsak thei lungngulnate na kheal tavun.

Romete 3:22

Pathian in mihingte sia Jesus Christ a upna uh tungtawnin thutang suaksak hi. Christ a umte theampo tungah Pathian in hi bangin vawt hi, banghang ziam cile kuama a kilamdang tuatuan a om bua uh hi.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.

2 Corinth te 5:3

tuabangin tuasia hong kisilhsak ciangin eite sia pumpi nei ngawlin ih om buatu hi.

Galatia te 3:27

Note Christ taw na kipumkhatna sungah na ki baptize uh a, tuaciang Christ ama mama ii nuntakna taw puan bangin hong kisilhsak zo cinopna hi.

Ephesus te 4:24

tuaciangin, Pathian lim bangin kivawt a, a thiangtho, a thutang le nuntakna maan taw ama le ama hong kilak, na mithak suana uh sia na silh tavun.

Thupualaakna 16:15

“Ngai vun! Nguta khat taw kibangin kong pai tu hi! Ngual mai ah pumnguak in om a, maizum a nga ngawl natu in, mu ngawlin a puansilhte a keamcing pa sia mihing lungdam ahi hi.”

Thupualaakna 19:8

Ama ii silh tu in a thiang, a tee vazia puante kipia zo hi,” ci uh hi. (A puanneal in Pathian ii mihingte ii na pha a septe ahi hi.)

Thupualaakna 2:23

A nungzuite zongh ka thatlum tu hi, tuasia ciangin pawlpi theampo in kei sia mihing theampo ii ngaisutna le a deina a he siat pa ka hi hunlam hong he tu hi. Note khat tek na ngamtat uh babangin kong thuk tu hi.

Thupualaakna 3:18

Tua ahikom ngaisut kong piakna panin, na hau natu in kei kung pan khamh, khamh ciitak hong lei ta'n. A maizumhuai pumnguaktangin na om sia na kiseal natu in, puankaang zongh hong lei ta'n. Khua na mu thei natu in, na mittang na noi tu in, za pawlkhat hong lei ta'n.