Matthew 21:5 - Syin Chin Bible

⁵ “Zion khuapi munah son vun, En vun, na kumpipa no kungah hong pai hi! Ama kiniamkhiak in laa tungah to a, laapui ii ta laano tungah to hi.”

Matthew 21:5 Iomraidhean Croise

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

2 Samuel 16:2

Kumpipa David in, “Tuate theampo bang tu ci ni ziam?” ci in dongh hi. Ziba in, “Laate sia kumpipa innkuanpuite to natu hi a, anluum le thingngate sia mihingte neak tu, tuaciang sapittui sia dui sungah amate a toi ciang a dawn tu hi,” ci in zo hi.

1 Kumpite 1:33

ama in, “Ka zum uliante keng vun a; ka tapa Solomon sia ka laa tungah tosak in, Gihon cik ah tha suk tavun,

1 Kumpite 10:26

Solomon in siphu ngalleang 1,400, ngalsim siphu 12,000 nei hi. Tuate pawlkhat Jerusalem ah koi a, a dang teng khuapi dang ah koi kawkoai hi.

Psalm Late 9:14

tua hi le Jerusalem mihingte mai ah ding thei a, nangma kong pokna thute theampo ka son thei tu hi. Nangma in kei nong hut manin ka lungdam tu hi.

Isaiah 12:6

Zion ah a teang mi theampo au in lasa tahen! Israel te ii a thiangtho Pathian sia lian a, ama in a mite sungah teang hi.”

Isaiah 40:9

Jerusalem awng, mualsaang khat tungah kaato in lungdamna thupha thangsak in! Zion awng, nging takin au keakin, lungdamna thupha taangko in! Lau ngawlin son khe in. A Pathian uh hong pai tu hi ci in Judah khuate tungah son vun!

Isaiah 62:11

Topa in leitung theampo ah thu a thansakna panin: “Topa sia no hong ngum tu in hong pai a, Ama ii suatak sa mite hong tonpui hi, ci thu Jerusalem mite tungah son vun,” ci hi.

Ezekiel 34:24

Keima, Topa sia amate ii Pathian ka hi tu a, ka naseampa David bang ahi kumpi khat in amate a uk tu hi. Keima ka pau zo hi.

Ezekiel 37:24

Ka naseampa David taw a kibang kumpi khat sia amate kumpi hi tu hi. Ngamuk khat ii khutnuai ah amate teng kilomkhat tu a, thumaan takin ka thukhamte a zui tu uh hi.

Hosea 1:7

Ahihang Judah mite tungah ka itna ka lak tu hi, keima, amate ii Pathian, Topa in amate ka hun tu hi, ahihang ngal kisimna — namsau, thal le thaltang, ahibuale siphu le siphu ngalkapte ka zangh buatu hi,” ci hi.

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Mi Simna 24:19

Israel minam in amate tuanhcil tu a, A suakta khakbel teng mon tu hi,” ci hi.

Matthew 11:29

Ka hakkol la in kisuanh vun, kei tung pan hong kisin tavun, banghang ziam cile keima in cingh in a kiniamkhiak pa ka hi hi; tua ahikom toithaina na nga tu uh hi.

Matthew 2:2

“Jew te Kumpipa tu in a piang nausen sia koisung a suak ziam,” ci in dongh hi. “Nisuana sang panin ama ii aksi hong suak ka mu uh a, ama bia tu in kong pai uh hi,” ci uh hi.

Matthew 2:6

‘Judah ngam Bethlehem khua awng Judah ngam khuapi thupite sungah, nang sia a nobel na hi bua hi, banghang ziam cile nang sung panin, ka Israel mite lam a lak tu lampuipa khat, hong piang tu hi.’ ”

Matthew 21:6

Tua ahikom nungzuite in Jesus sawl bangin pai in vawt uh hi:

Luke 24:27

Jesus in ama huvau Moses ii laibute pan a kipan kamsaangte lai at theampo dong Laithiangtho a vekpi sungah a kison teng sonthiang hi.

John 1:49

Nathanael in, “Syapa awng, nang sia Pathian Tapa na hi hi! Israel Kumpipa na hi hi!” ci hi.

2 Corinth te 10:1

Keima Paul in keima aituamin kong thuum hi — Note taw ka omkhop ciangin dikin cingh a, no taw a kikhuala a ka om ciangin hangsan hong kici hi. Christ cikna le thiamna hu in kei zongh note kung kong pai ciangin, ka hangsan a kul tu dong hong kivawt ngawl natu kong thuum hi;

Thuhil kikna 17:16

Kumpipa in ama ngalkaphonpi atu in siphu tampi nei thei ngawl tu hi, siphu lei tu in Egypt ah mite sawl ngawl tu hi, banghang ziam cile Topa in a mite tualai ah heak kik ngeingawl tu hi, ci in a sonsa hi.

Thukhente 12:14

Ama in tapa 40 le tupa 30 nei a, tuate in laa 70 tungah to uh hi. Abdon in kum liat sung Israel te lampui hi.

Thukhente 5:10

Laa kaang tungah a to note awng, a kunghte tungah a tote awng, na pai natu mun theampo ah peang taw a paite awng, hi thu son tek vun.