Matthew 21:44 - Syin Chin Bible

⁴⁴ Hi suang tungah a taak sia akua po ahizong zaantham in vui tu hi; tua suang sia khat po ii tungah a taak ahile tua pa zaantham in thi tu hi.”

Matthew 21:44 Iomraidhean Croise

Psalm Late 2:12

ama mai ah liinna taw kun vun; tua ahibuale ama thin uuk vat tu a, thakhat thu in na thi tu uh hi. Ama a bealte in a lungdamte ahi uh hi.

Psalm Late 2:9

Nangma in amate thikmol taw na veltham tu a, leibeal tam bek bangin amate na sutham tu hi.

Isaiah 28:13

Tua hu in laimal khat zawk mal khat, lailam khat zawk lam khat, thu khat zawk thu khat, Topa in no hong hil tu ahi hi. Tua zawkciang kal khat na suan simin na lutu tu uh hi. Note hong kiliamsak tu a, thaang sungah hong ki awksakin, thong hong kitaaksak tu hi.

Isaiah 60:12

Ahihang nangma na a seam ngawl minamte sia kilalcipsak tu hi.

Zechariah 12:3

Ahihang tua hun hong thet ciang, Jerusalem sia a ngit suangtum pui khat bangin ka vawt tu a — tuasia laamto tu a kipan minam pawpo liam tu hi. Leitung minam theampo kipawlin ama sim tu uh hi.

Matthew 21:43

“Tua ahikom kong ci hi, Pathian Ngam sia no kung pan in, kila tu a, nga pha a piangsak mihingte tungah kipia tu hi.

Matthew 21:45

Pharisee te le thiampi liante in Jesus thuson nate za uh a, amate a cinopna ahi hunlam tel uh hi.

Matthew 26:24

Mihing Tapa sia Laithiangtho in thi tu hi a ci bangma in thi tu a, ahihang Mihing Tapa a leeheak sia atu in, bangza in lauhuai ziam? Tua pa atu in pian awl zaw le phazaw hi,” ci in zo hi.

Matthew 27:25

“ama ii thina hangin thuak tu a om babang koma le ka suan ka paalte tungah hong tu tahen!” ci in mipi bup in zo hi.

Luke 2:34

Simeon in amate thupha a piak zawkciangin, a nu Mary tungah hi bangin ci hi, “Hi patang sia Israel mite, tam mama ii a siatcip natu le, tam mama ii a kingup natu Pathian ii tealsa ahi hi. Ama sia mihing tam mama ii a langpan tu, Pathian ii lim lakna khat hi tu a,

Luke 20:18

Tua suang tungah a puk peuma a bek a bekin kikhen tu a, tuaciang in tua suang sia khat po ii tungah hong taaksuk le tua pa sia leivui bangin zaantham tu hi,” ci hi.

John 19:11

Jesus in, “Pathian hong piak hu bek in, kei tungah thu na nei hi. Tua ahiciang nang tungah kei hong aap pa in, mawna nasia zaw vawt ahi hi,” ci in zo hi.

Romete 9:33

“En vun, Zion ah suang khat ka koi a, tua in mihingte lutusak hi, amate a puksak tu suangpi ahi hi. Ahihang ama a umte a thin a kiam buatu hi.”

1 Thessalonica te 2:16

Ngupna a piangsak tu thute Gentile te tungah ka hil tu uh ngawngawn khaktan tu in hanciam uh hi. Hi bangin amate ii a paltan tawntung sa mawna theampo pawlcingsak uh hi. Tu in Pathian thin uukna sia amate tungah a khakbel ciangin hong thengsuk zo hi!

1 Peter 2:8

Laithiangtho mundang khat ma ah, “Hi suang in mihingte lutusak tu a, amate a liiksak suangpi suak tu hi,” ci hi. Kammal a up ngawl manin amate lutu uh hi; tuasia in amate atu in Pathian ii deina ahi hi.