Matthew 21:41 - Syin Chin Bible

⁴¹ “Ama in tua misiate thatlum nanak tu a, a hun zui in, thaw ante, ama saan tu bangin a pia tu ngualdangte tungah sapithuan sia saapthaw tu in aap tu hi,” ci in zo hi.

Matthew 21:41 Iomraidhean Croise

Psalm Late 2:9

Nangma in amate thikmol taw na veltham tu a, leibeal tam bek bangin amate na sutham tu hi.

Isaiah 65:15

Ka tealsa mihingte in na min sia haamsiatna in zangh tu uh hi. Vaanglianpipa Topa keima in nang kong thisak tu hi. Ahitazong ka thu hong nite min thak khat ka pia tu hi.

Daniel 9:26

Tua hun a bo ciang Pathian tealsa lampuipa sia thuak tuak ngawl bulin kithat tu hi. Tua khuapi le Biakinnpi sia ngal sim tu in hong kuan a thahat ngamukpa khat ii ngalkaphonpi in susia tu hi. A tawpna sia tuiliim bangin hong pai tu a, Pathian ii vawtkhol ahi ngal kisimna le suksiatna hong paipui tu hi.

Zechariah 12:12

Ngamsung innkuan simin khuangai in om tek tu hi: David suante innkuan, Nathan suante innkuan, Levi suante innkuan, Shimei suante innkuan, a dang innkuante hi siat tu hi. Ngamsung innkuan simin khuangai tek in a om ciang, pate ahile numeite taw kihel ngawlin a tuamin khuangai tu uh hi.

Zechariah 13:8

tuaciang, ngam bup sungah mihingte see thum sua see nii thi tu uh hi.

Matthew 21:34

Sapit nga law hun ciangin, ama tel tu teng a saang tu in, huanthote munah a silate paisak hi.

Matthew 21:40

“Tu in huan neipa sia sapithuan sungah hong pai tak ciangin huanthote bang law tu ziam?” ci in Jesus in dongh hi.

Matthew 21:43

“Tua ahikom kong ci hi, Pathian Ngam sia no kung pan in, kila tu a, nga pha a piangsak mihingte tungah kipia tu hi.

Matthew 3:12

Ama in taangkheaplaw a khut sungah toai zo hi. Zungtaangte hong kheap tu a taangtang teng taangsaal sungah khawmtua in, taangsi taangvai teng a mit ngeingawl meikuang sungah hal tu hi,” ci hi.

Luke 20:16

Ama in hong pai tu a, tua mihingte thatlum in, sapithuan sia ngualdang in saapthawsak tu hi,” ci hi. Mihonpi in hi thu a zaak uh ciangin, “Tuabang suak thei ngawl tu hi!” ci uh hi.

Sawltakte 15:7

Ngei ma a kinial zawk uh ciang, Peter ding a, “Ka suapuite awng, khuangei pek lai in, Gentile te ii a zaak thei natu le a up thei natu in, Lungdamna Thupha hil tu in, no sung pan Pathian in keima hong teal ahi hunlam sia na heak uh hi.

Sawltakte 18:6

Amate in nalh in, ama huvau kamsia a pau uh ciang, ama in a lungkim ngawlna a lakna in, a puan tungah leivui baangte thin a, “Na mangthang uh le noma mawna hang hi tu hi! Kei hang hi ngawl tu hi. Tu pan kipan Gentile te kungah pai tu khi hi,” ci hi.

Sawltakte 28:28

Tuaciang Paul ii thukhupna ah: “Tuasia ciang, Pathian ii ngupna thu sia Gentile te tungah, kipuak zo hi ci in note in na heak tu uh ahi hi. Amate in ngai tu hi!”

Sawltakte 28:8

Publius ii pa sia ciisuk natna le ngilsan natna taw lupmuntung ngak hi. Paul in, ama ii inndoi sungah tumin, thungen a, ama tungah a khut nga in damsak hi.

1 Thessalonica te 2:16

Ngupna a piangsak tu thute Gentile te tungah ka hil tu uh ngawngawn khaktan tu in hanciam uh hi. Hi bangin amate ii a paltan tawntung sa mawna theampo pawlcingsak uh hi. Tu in Pathian thin uukna sia amate tungah a khakbel ciangin hong thengsuk zo hi!

Hebrew te 12:25

Tua ahikomin kidawm vun a, a sonpa sia ngai nuam ngawlin, nial heak vun. Pathian thu leitung ah a son pa nadon ngawl a, a nialte a suakta bua hi. Vantung pan hong sonpa na thusim buale bangbang suakta thei seseam tu hi ziam!

Hebrew te 2:3

Tua hi a, hi zata in a lian ngupna thusim buathong leang bangbangin suakta tu hi ziam? Topa ama mama in hi ngupna thangsak masa a, tuaciangin a zate in ei tungah tua thu a maanna hong lak zo hi.