Matthew 21:32 - Syin Chin Bible

³² Banghang ziam cile Tuiphumpa John hong pai a, thumaan lampi hong hil napi, ama na um bua uh hi; ahihang shiadongte le numei paktatte in um uh hi. Hite na mu zawk ngawngawn in, na thin uh kikheal in na um nuam bua uh hi.”

Matthew 21:32 Iomraidhean Croise

Isaiah 35:8

Tua munah, “Thianthona ii lampi” a kici lampi lian khat om tu hi. Mawneite kuama in tua lampi tawn nawn ngawl tu hi; tua lampi a tawnte sia a mawmawte zongh lam pial ngawl tu hi.

Jeremiah 6:16

Topa in a mite tungah, “Lamkaa bom ah dingin khuadak vun. Taangh lampite le a phabel lam sia koisung ziam ci in dongh vun. Tuasia tawn vun, tua hile thinnuamin na om tu uh hi,” ci hi. Ahihang amate in, “Hi ngawl hi, ko tawn ngawl tu khu hi!” ci hi.

Matthew 11:18

John in an tang a sapittui ne ngawlin hong pai ciang, ‘Ama ii sungah doai om hi,’ mihing theampo in ci uh hi.

Matthew 21:25

“John ii baptize piak theina thu sia, koisung pan hong pai ziam? Pathian tung pan ziam maw mihing tung pan ziam?” ci hi. Amate teng kinial uh a, “Bangbang ci tu hi ziam? ‘Pathian tung pan ci tu hi leang, tua ahile banghangin John sia um ngawl nu ziam?’ hong ci tu hi.

Matthew 21:31

Tapate nii sung pan akua in a pa thu ni zaw ziam?” ci hi. “A tapa lianzaw sia in ni zaw hi” ci uh hi. Tuaciang Jesus in amate tungah, “Kei kong ci in ah: Shiadongte le numei paktatte in Pathian Ukna ngam sungah note sangin theng masa zaw tu hi.

Matthew 5:46

“No hong itte bek na it uh le, Pathian in banghangin thaman hong pia tu ziam? Shiadongte ngawngawn zongh, tuabangin ngamta kana ngawl ziam?

2 Timothy 2:25

Ama a langpante a puuaphat kik ciangin, thu khualna zangh tu hi. Banghang ziam cile Pathian in amate tungah kisii kikna pia in thumaan thutak a heak natu zongh hi thei tu hi.

Hebrew te 3:12

Ka thu uppuite awng, a nungta Pathian kung pan na lampial ngawl natu in, no sungah kuama peuma in ngitlona thinsung le up ngawlna thin na nei ngawl natu in kidawm tavun.

2 Peter 2:21

Amate tungah a kipia a thiangtho thupiakna pan a pial uh sangin, a heak uh thutang lampi sia he ngei phot buazaw le, amate atu phazaw lai tu hi.

Thupualaakna 2:21

A mawnate a kisiik kik natu hun pia ka hi hang, ama in paktatna pan, kikheal nuam ngawl hi.