Matthew 21:3 - Syin Chin Bible

³ Tuaciang khat po in, bang khat po hong cile ‘Topa in tulmaw hi’: ci po le uhte thakhatin hong tha tu hi,” ci hi.

Matthew 21:3 Iomraidhean Croise

1 Kumpite 17:9

“Tu in Sidon nai ah a om Zarephath khua ah pai in a, tua munah om ta'n. Tua munah meingong nupi khat nang an hong vaak tu in thupia zo khi hi” ci hi.

Ezra 1:1

Persia mi Cyrus in kumpilianpa a sep, a kum khat kumin Topa in kamsaang Jeremiah tungtawn a, a thusonte taangtungsak hi. Topa ii thotna taw a nuai a thupiakna teng Cyrus in ama ukna ngamsung theampo ah a nging takin a sim tu lai khat at in thaak hi:

Ezra 1:5

Tuaciang Judah le Benjamin namte sung pan bee le phung lutangte, thiampite le Levi te, tuaciang Pathian ii a thin a phawnsak dangte theampo in Jerusalem ah, Topa Biakinnpi sa kik tu in kithoai uh hi.

Ezra 7:27

Ezra in, “Ih taanghpupite ii Pathian, Topa pok vun! Ama in kumpilianpa sia Topa ii Jerusalem Biakinnpi, hi bangin patoai nopna thin neisak hi.

Psalm Late 24:1

Simleitung le a sungah a om theampo sia Topa neisa ahi hi; leitung le a tungah a teang theampo sia ama aa ahi hi.

Matthew 21:2

hi bangin thupia hi; “Na mai a om khuano sia ah pai tavun, tua munah laapui khat kikhii in om thakhat thu in na mu tu uh a, laano zongh a pui kungah om tu hi. A khau suutin a nii in keima kungah hong paipui tavun.

Matthew 21:4

Hi bangin a pian theina sia kamsaangpa sonna teng a taangtut natu ahi hi.

John 17:2

Banghang ziam cile ama tungah na piaksa mi teng tawntung nuntakna a piak thei natu in, mihing theampo tungah thuneina ama tungah na pia zo hi.

John 3:35

Pa in a Tapa it a, na theampo ama ii vaangletna sungah koi hi.

Sawltakte 17:25

Mihingte ii ama atu ih sepsakna pan, ih piak thei tu na khat zongh, ama atu in a kitaangsamh bua hi, banghang ziam cile mihing theampo atu nuntakna, husanna le na theampo ama ii hong piaksa hi zaw hi.

2 Corinth te 8:16

Kote ii no kong hu nop uh bangma in Titus ii note lawp tak a hong husak Pathian tungah bangza in ka lung uh dam ziam!

2 Corinth te 8:9

Topa Jesus Christ ii thuthiamna sia na heak uh hi; ama sia hau mama napi in, ama zawnna taw note a hau na sua thei natu in note atu in ama le ama a zawngin hong kivawt ahi hi.

James 1:17

A pha tel le ziakte le a cingtaak letsong theampo vantung panin hong pai hi; tua teng sia vantung khuavakte a bitphua, kikheal ngeingawl a, kihei in khua a zingsak ngawl Pathian kung pan hong paisuk hi.

1 Samuel 10:26

Saul zongh Gibeah a inn ah cia hi. Pathian ii a lungtang a thuthaak pasal thahat pawlkhat in ama tonpui hi.