Matthew 21:26 - Syin Chin Bible

²⁶ “Ahihang ‘mihing tung pan’ ci thong leang, mipite kiitakhuai hi, banghang ziam cile amate theampo in John sia kamsaang khat hi ci in saang hi,” ci uh hi.

Matthew 21:26 Iomraidhean Croise

Isaiah 57:11

Topa in, “Kei nong theam a, kei nong makngil cip natu uh in note hong lausak, tua pathiante sia a kuate ziam? Khuangei hial ka thim om hithiat manin kei hong zakta nawn ngawl nu ziam?

Matthew 11:9

Hong son tavun; bang mu tu in pai nu ziam? Kamsaang khat ahi ziam? Hi tatak hi, na mu uh sia kamsaang thawthong bek hi ngawl hi.

Matthew 14:5

Herod in ama thatlum nuam ahihang, Jew mite kiita hi, banghang ziam cile Jew mite in John sia kamsaang khat hi ci in ngaisun uh hi.

Matthew 21:11

“Hisia pa sia Galilee ngam Nazareth pan kamsaangpa Jesus hi,” ci in mihonte in zo uh hi.

Matthew 21:25

“John ii baptize piak theina thu sia, koisung pan hong pai ziam? Pathian tung pan ziam maw mihing tung pan ziam?” ci hi. Amate teng kinial uh a, “Bangbang ci tu hi ziam? ‘Pathian tung pan ci tu hi leang, tua ahile banghangin John sia um ngawl nu ziam?’ hong ci tu hi.

Matthew 21:27

Tua ahikom amate in Jesus munah, “He ngawl khu hi,” ci uh hi. Tuasia ciangin, amate tungah Jesus in, “Kei zongh hite bang thuneina taw vawt khi ziam ci in kong son buatu hi,” ci hi.

Matthew 21:46

Tua ahikom ama sia mat sawm uh a, ahihang amate in mihonpite kiita uh hi, banghang ziam cile amate in Jesus sia kamsaang khat hi ci in ngaisun uh hi.

Mark 11:32

Ahihang ‘Mihing tung pan hi’ ci leang…’ ” ( Amate in mipite kiita hi, banghang ziam cile John sia a kuama po in kamsaang khat hi ci in um tek uh hi.)

Mark 12:12

Jew lampuite in Jesus mat sawm uh hi, banghang ziam cile amate in hi thusonteena sia amate huvau a sonna hi ci in tel uh hi. Ahihang mipite kiita ahikom amate in paisan uh hi.

Mark 6:20

Herod in John kiita hi, banghang ziam cile John sia mihing thiangtho, mihing pha hi ci in he a, tua ahikom ama keamcing hi. A hilna a zaak simin a thin nawngkai mama ahitazong, Herod in John thuson ngai nuam hi.

Luke 20:19

Thukham hil syate le thiampi liante in tua munah Jesus mat sawm uh hi, banghang ziam cile amate in, ama ii son thusonteena sia amate a cina ahi hunlam he uh hi. Ahizong amate in mihonpite kiita uh hi.

Luke 20:6

Tuabang ci bua ii, ‘Mihing tung pan’ ci leang le, mihonpite in ei suangtum taw hong deanglum tu hi, banghang ziam cile amate in John sia kamsaang khat hi ci in um uh hi.

Luke 22:2

Thiampi liante le Thukham hil syate in mipite kiita ahikom a thimtham in Jesus a suamlup thei natu lampi zon tu hanciam uh hi.

John 5:35

John sia meiinn taw kibang a, kuangin taang hi, tuaciangin tawmvei sung teng ama ii khuavak sia na leaplaw nuam uh hi.

John 9:22

Jew biakna thuneite ii lungkimna sa khat om a, a kuama po Jesus sia Messiah hi ci in a um peuma, synagogue sung pan kihawlkhia tu hi, ci ahikom amate in Jew biakna thuneite a kiitak hu in, a nu le a pa in hi bangin ci ahi hi.

Sawltakte 5:26

Tua ahikom Biakinn cing ukpa sia, a khutnuai mihingte taw pai in, sawltakte paipui kik uh hi. Amate in mihingte ii suangtum taw a den tu lau ahikom, sawltakte tungah zawthawk thu a zangh ngam bua uh hi.