Matthew 21:19 - Syin Chin Bible

¹⁹ Ama in lamhui ah theikung khat mu in vil a, ahihang a tee simngawl bangma a mu bua hi. Tua ahikom thingkung tungah, “Nang sia nga kik thei nawn ngawl tu ni hi!” ci hi. Thakhat thu in theikung kongaw cip paih hi.

Matthew 21:19 Iomraidhean Croise

Isaiah 5:2

Ama in leito in suang teng vawk a; sapitkung pha belte suan hi. Ama in tuate a cin natu in tausaang khat sa in, sapitngate a cil natu in leidum khat to hi. Ama in sapit a min tu ngak a, ahihang sapitnga theampo thuk siat hi.

Jeremiah 8:13

“Anlapa in a lo an a kaikhop bangma in, keima in ka mite ka kaikhawm nuam hi; ahihang amate sia a nga nga ngawl sapitkung khat bang, a nga nga ngawl theikung khat bang ahi hi; a teete ngawngawn vul zo hi. Tua ahikom, hi ngam a la tu in a puasang mite thu ka pia zo hi.”

Matthew 21:20

Nungzuite in a mu ciangin lamdang sa uh hi. “Banghang hi za in kocip paih thei ziam?” ci uh hi.

Mark 11:14

Jesus in, “Nang tung pan kuama in theinga ne nawn heak tahen!” ci hi. A nungzuite in a pau teng za uh hi.

Mark 11:20

A zingsang ciang zingtuungin, lampi zui a, a pai uh ciang, amate in theikung a mu uh hi. Tuasia in a zung dongin thisuk hi.

Luke 3:9

Thingkungte phuk tu in a bul ah, hei mai kingat zo hi; nga pha a nga ngawl thingkung theampo kiphuk tu a, meimang sungah kisep tu hi.”

John 15:2

Ama in kei tungah a nga ngawl baak theampo sattan tu hi, sapitnga a ngana baak pawpo a thiantho natu le tamzaw a nga thei natu ho in heu tu hi.

John 15:6

A kuama po kei sungah hong om ngawlte thingbaak bangin kivawkin, kocip hi; tuabang a baakte kitawm in meimang sungah kibum a, kaanghtum hi.

2 Timothy 3:5

Amate in ih biakna sia a pua zuunna in nei tu a, ahihang a vaangletna tatak sia nial tu uh hi. Tuabang mihingte kung pan kiheam ta'n.

Titus 1:16

Amate in Pathian ka he uh ci ahihang, amate ngamtatnate taw kileebul hi. Amate sia ki etsatna taw kidim a, thu ni ngawl ahiciang a pha khat zongh seam tu in kiphu ngawl hi.

Jude 1:12

Amate sia a maizumhuai neakna dawnna taw ngualnuamin om uh a, noma ii kipawlkhop anneakpoai uh hong nokkhaksakte ahi hi. Amate in a kaangsung atu bek kin hi. Amate sia vui ii seam nguatui a paai ngawl meeikaaite taw kibang hi: tangngam hun dongin a nga mama a nga ngawl thingkungte le a kizunglok a thicip sa thingkungte taw kibang hi.

Thupualaakna 22:11

A ngilo sia in a ngitlo bangin paisuak tahen a, a kiihuai sia in a kiihuai bangin zom suak tahen; a kuama po mihing phate in phatna vawt suak tahen a, a thiangthote in a thiangtho in om suak tahen,” hong ci hi.