Matthew 21:15 - Syin Chin Bible

¹⁵ Thiampi liante le Thukhamhil syate in, Jesus ii nalamdang a vawt hu le, patangte ii “David Tapa tungah Hosanna, kipok tahen!” a ci hu in amate thin uuk hi.

Matthew 21:15 Iomraidhean Croise

Isaiah 26:11

Na ngalte in amate daan na piak tu hunlam he ngawl uh hi. Topa awng, amate maizumsak in a, ngim ngasak in; amate atu in, na koisak sa daan piaknate thuaksak in. Na mite na it mama zia amate lak in.

Matthew 20:24

Nungzui dang sawm teng in hi thu a zaak ciangin, tua unaute nii tungah amate thin uuk hi.

Matthew 21:23

Biakinn sungah Jesus heak kik a, hilna a nei ciangin, thiampi liante le upate in, “Hi bang na sep thei natu in bang thuneina nei ni ziam? Akua in hi thunei theina hong pia ziam?” ci in dongh uh hi.

Matthew 21:9

Jesus mai le a nung panin a pai mihonte in, “David Tapa minthang hen! Topa min taw hong pai pa tungah Pathian in thupha pia tahen! Hosanna, Pathian in pokna nga tahen!” ci in au uh hi.

Matthew 22:42

“Messiah huvau bangbangin ngaisun nu ziam? Ama akua ii suan ziam?” ci in dongh hi. “Ama sia David suan hi,” ci uh hi.

Matthew 26:3

Tuaciang, Thiampi Lianbelpa Caiaphas teenna inn ah thiampi liante le upate kisitua uh a,

Matthew 26:59

Thiampi liante le Council bup in Jesus a thalup thei natu in, leilot tetti pawlkhat zon tu in hanciam uh hi,

Matthew 27:1

Zingsang tuungin thiampi lian theampo le upate in Jesus a thalup natu vaihawm uh hi.

Matthew 27:20

Thiampi liante le upate in Pilate ii Barabbas suatak a piak natu le, Jesus a thalup tu a nget natu in mipite hol uh hi.

Matthew 9:27

Jesus in tua mun nusia in a pai ciang, mittaw niite in ama zui tu in kipan uh hi. “David Tapa awng, ko hong hesuak ta'n,” ci in au uh hi.

Mark 11:18

Thiampi liante le Thukham hil syate in, hi thu za uh a, tua hu in, Jesus a thalup thei natu lampi zong tu in, kipan uh hi. Amate in Jesus kiita uh hi, banghang ziam cile mipite in ama ii hilna sia lamdang a sa uh hi.

Luke 20:1

Ni khat Jesus in Biakinn sungah mihonpite Lungdamna Thu huvau hilna le thuhilna a nei laitakin, Thiampi liante, Thukham hil syate, le upate hong pai a,

Luke 22:2

Thiampi liante le Thukham hil syate in mipite kiita ahikom a thimtham in Jesus a suamlup thei natu lampi zon tu hanciam uh hi.

Luke 22:66

Khuavak ciangin, amate thiampi liante le thukham hil syate kisitua uh a, tuaciang Jesus sia Council te mai ah paipui uh hi.

John 11:57

Thiampi liante le Phariseete in Jesus a kimat thei natu in ama omna a he a om le thu hong puak nanak tu nu hi, ci in thupia uh hi.

John 12:19

Phariseete in khat le khat, “Na mu bang hi, eite in ih zo zo peuma bua hi! En vun, leitung bup in ama zui zo hi!” ci uh hi.

John 4:1

Jesus in John sangin, nungzui tamzaw nga a, tuiphum hi ci thu Phariseete in za uh hi.

John 7:42

Laithiangtho ii ci bangin Messiah sia David Kumpipa suan hi tu a, David teenna khua ahi Bethlehem ah suak tu hi,” ci uh hi.