Matthew 20:24 - Syin Chin Bible

²⁴ Nungzui dang sawm teng in hi thu a zaak ciangin, tua unaute nii tungah amate thin uuk hi.

Matthew 20:24 Iomraidhean Croise

Paunakte 13:10

Kisak theina in ngim ngana simngawl bangma dang a piangsak bua hi. Ngaisutna ngetna in ciim zawkna hi.

Matthew 20:23

“Ka hai sia dawn takpi tu nu hi, ahihang ka ziatsang le ka veisang a to tute sia kei teal thei hi ngawl hi. Hi munte sia ka Pa ii see sa mite atu ahi hi,” ci hi.

Matthew 20:25

Tua ahikom Jesus in amate khawmtua a, “Leitung mihing uliante in a khutnuai a omte tungah uk theina thu nei a, lampuite in thuneina theampo nei hi, ci in na he uh hi.

Mark 10:14

Jesus in hi bang a ngamtat uh a mu ciangin, thin uuk a amate tungah, “Patangte ka kungah hong pai tahen, khaam heak vun, banghang ziam cile Pathian Ngam sia hi bangte atu ahi hi.

Mark 10:41

A nungzui dang sawmte in, hi thu huvau a zaak ciangin, James le John tungah thin uuk uh hi.

Luke 13:14

Synagogue keam upa pa in Sabbath ni a, Jesus ii ciina a damsak hu in, a thin uuk hi. Tua ahikom mipite tungah, “Nipi khat sungah na ih sep natu ni luk om hi. Tua ahiciang, tua nite ah ciidam nga tu in hong pai tavun a, Sabbath ni in hong pai heak vun” ci hi.

1 Corinth te 13:4

Itna in thin uai a, dik hi; itna in ki eenna nei ngawl a, kisathei ngawl, kiphasak ngawl hi;

Philippi te 2:3

Kaangsung atu tupna bek taw ahizong, kisak thei nopna lel taw ahizong bangma seam heak vun, tua hi ngawlzaw in, khat le khat ii tungah kiniamkhiakin noma sangin ngualdangte a phazaw in ngaisun tawntung zaw vun.

James 3:14

Ahihang na thinsung ah eenna, thin natna le duhopnate a om le, na ciimna na kiphatsakpuina taw thumaan thutak sia langpanin mawna vawt heak in.

1 Peter 5:5

Tuasia bangma in no khangmoizawte zongh, khanghaamzawte thu na ni vun. Tuaciangin note theampo khat le khat, na na kisepsak thei natu in, kiniam khiakna awmdal sia puan bangin silh tavun; banghang ziam cile, laithiangtho in, “Pathian in a kiphasakte nalh a, a kiniamkhiakte tungah maipha pia hi,” ci hi.