Matthew 20:22 - Syin Chin Bible

²² Tapate nii munah Jesus in, “Na nget uh sia bang ziam ci in tel ngawl nu hi. Hi thuakna hai ka dawn tu sia dawn zo natu nu ziam,” ci hi. “Dawn zo tu khu hi,” ci uh hi.

Matthew 20:22 Iomraidhean Croise

Psalm Late 75:3

Bitphua sa a nungta theampo liingin leitung mama a ngawk zongin a tawdapte a kho in ka koi tu hi.

Paunakte 16:18

Kiphatsakna in siatna sungah hong then a, kisaktheina in kiamsukna sung hong then hi.

Isaiah 51:17

Jerusalem awng, khanglo in! Nangma le nangma kiphong in tho in! Topa ii a thin uukna taw hong piak daan piakna hai na dawn zo hi; na taalsuk zo a, nang hong hoisak vatut hi.

Isaiah 51:22

Topa na Pathian uh in no hong sungsia a tuaciang, “Ka thin uukna taw kong piak hai sia ka la kik hi. No hong hoisak vatut sapittui sia na ne nawn buatu uh hi.

Jeremiah 49:12

“Daan piak tu a, a kilawm ngawl mite ngawngawn in daan thuakna hai pan dawn tu ahile no, daan piak ngawlin om tu in ki um nu ziam? Hi ngawl hi, tua hai pan dawn hamtang tu nu hi!

Matthew 26:35

Peter in, “Nang taw thi khop tu a kul le zong, tuabangin hong nial ngawl tu khi hi,” ci in zo hi. Nungzui dangte zongh in, tuabang ma in ci tek uh hi.

Matthew 26:39

Ama sia tawm a pai zawkciang, lei ah bokcip in, thungen hi. “Ka Pa awng, ahithei le hi thuakna hai sia kei tung pan hong laaksak ta'n! Ahihang kei dei bang hi ngawlin, nangma deina bang hi tahen,” ci hi.

Matthew 26:42

Khatvei ma, Jesus pai in thu ngen hi, “Ka Pa awng, hi hai ka dawn phot ngawl peuma in, hi thuakna hai sia hong kilaaksak ngawl tu ahile nangma deina bang hi tahen,” ci hi.

Matthew 26:56

Ahihang hite theampo sia kamsaangte ii Laithiangtho sung a at teng a taangtun natu ahi hi,” ci hi. Tuaciangin a nungzuite theampo ama nusia in taikeak uh hi.

Mark 14:36

“Pa awng, Ka Pa awng! Na theampo nang atu in suak thei hi. Hi thuakna hai sia kei kung pan hong laaksak ta'n. Ahihang kei deina bang hi ngawlin, nangma deina bang hi tahen,” ci in thungen hi.

Luke 12:50

Kibaptize na ka nga tu khat om a, tuasia a kimanthiang mateng in bangza in ka thin patau ziam!

Luke 22:42

“Pa awng, nang deina ahile hi thuakna hai sia kei kung pan hong laksak ta'n. Ahizong kei deina bang hi ngawlin, nang deina bang hi tahen,” ci hi.

John 18:11

Jesus in Peter munah, “Na namsau a pai sungah thun kik in! Ka Pa ii ka dawn tu a hong piak thuakna hai sia, dawn ngawl tu in hong um ni ziam?” ci hi.

Romete 8:26

Tua bangma in eite in bangza in tha zawngkhal hi ka leang, eite hong hu tu in Thaa hong pai hi. Banghang ziam cile eite in thu ih ngetzia tu ih he bua hi; kammal taw a kilo thei ngawlte tauna taw Pathian tungah Thaa in hong maangkaasak hi.

James 4:3

Tuaciangin na nget uh ciang, na nga bua uh hi, banghang ziam cile na niimnate pha ngawl hi; noma nopsak natu sung bek ah na zak tu uh nate na ngen uh hi.