Matthew 20:21 - Syin Chin Bible

²¹ “Bang nuam ni ziam?” ci in Jesus in dongh hi. “Kumpi na sua ciangin, hi ka tate nii sia khat na ziatsang ah khat na veisang ah, na tosak natu in, kamciam hong pia ta'n,” ci in nupi nu in zo kik hi.

Matthew 20:21 Iomraidhean Croise

1 Kumpite 2:19

Tua ahikom Bathsheba sia kumpipa kungah Adonijah taangin a paupui tu in pai hi. Kumpipa sia a nu muak tu in dingto a, a nu kun hi. Tuasia zawkciang ama kumpi tokhum tungah to a, a nu atu tokhum dang khat lasak in a ziatsang ah tosak hi.

1 Kumpite 3:5

Tua zanin Topa sia a mang sungah hong kilaak a, “Bang kong piak tu na uukbel ziam?” ci in dongh hi.

Esther 5:3

Kumpipa in dongh a, “Esther kumpinu awng, bang ziam? Na dei sia hong son tan — ka ukna ngam a lang keak ahizong nga tu ni hi,” ci hi.

Psalm Late 110:1

Ka topa tungah Topa in, “Na ngalte na peang nuai ah ka koi dong hi sung ka ziatsang ah to in” ci hi.

Psalm Late 45:9

Na suumsung sang a om numeite sia kumpite tanute veu hi a, tuaciang na kumpi tokhum ziatsang ah kumpinu dingin, ama in khamh phabel taw a kivawt kizepnate taw kizeam hi.

Jeremiah 45:5

Nang atu a tuam vilvel a hong kivawt natu zong na hi ziam? Zong heak in! Mihing nam buppi tungah siatna ka thengsak tu a, ahihang nang sia na paina po ah thi ngawlin na suakta valiai tu hi. Keima Topa in ka ci zo hi.”

Matthew 18:1

Tua hun laitakin a nungzuite sia Jesus kungah hong pai a, “Vantung ngam sungah akua lianbel ziam?” ci in dongh uh hi.

Matthew 19:28

Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.

Matthew 20:22

Tapate nii munah Jesus in, “Na nget uh sia bang ziam ci in tel ngawl nu hi. Hi thuakna hai ka dawn tu sia dawn zo natu nu ziam,” ci hi. “Dawn zo tu khu hi,” ci uh hi.

Matthew 20:32

Jesus in amate nii sam a, “Bang hong vawtsak leng na uuk uh ziam,” ci in dongh hi.

Mark 10:51

Jesus in, “Nang atu bang hong vawtsak lengh, na nuam ziam?” ci in dongh hi. “Syapa awng, khuamu thei kik nuam khi hi,” ci in zo kik hi.

Mark 16:19

Topa in amate taw thu a son zawkciang, ama sia vantung ah kila to in Pathianziatsang ah to hi.

Mark 6:22

Herodias ii tanu pai in hong laam a, Herod le a leangnate theampo lungkim uh hi. Tua ahikom Kumpipa in ngaknu nu munah, “Bang na dei ziam? Na dei pawpo hong pia tu khi hi,” ci hi.

Luke 18:41

“Nang atu bang hong vawtsak leng na uuk ziam?” ci hi. “Topa awng, khua ka mu kik nuam hi,” ci hi.

Luke 19:11

Mipite in hi thu ngai in a om laitakin, Jesus in thusonteena khat son thua hi. Ama tua laitakin, Jerusalem theng dektak zo ahikom mipite in Pathian Ngam hong kilangh pal tu hi vak ci in muangmaw uh hi.

Luke 22:24

Nungzuite sungah thu kinialna khat piang a, amate sungah akua lianbel in kingaisun tu ziam, ci thu ahi hi.

John 15:7

Kei sungah nong om uh a, ka kammalte note sungah a om le tuasia ciang na uuk pawpo nong ngen tu a, na nga tu uh hi.

Sawltakte 1:6

Sawltakte in Jesus taw a kisik uh ciangin, “Topa awng, Israel mite tungah a Ngam na pia kik tu ziam?” ci in dongh uh hi.

Romete 12:10

Khat le khat Tapidaw unau khat bangin ki it in, khat le khat kizatak vawt vun.

Romete 8:34

Tua ahile amate akua in maw pusak thei tu ziam? Thina thuak a, a kinungtasak kik pa, Pathianziatsang ah to a, Pathian tungah ei atu in hong ngetsakpa Christ Jesus in hong mawsak ngawl tu hi.

Colossae te 3:1

Note nuntakna sungah Christ taw hong kithosak kik zo ahikom Pathian ii ziatsang kumpi tokhum tung Christ tona mun vantung ah a om nate thangai vun.