Matthew 20:2 - Syin Chin Bible

² A kipia ngeiza ngunn dangka pheak khat tek piak tu in, thukim in a cial te sia sapithuan sungah kuansak hi.

Matthew 20:2 Iomraidhean Croise

1 Kumpite 18:12

Ka pai po ciang Pathian ii thaa in nang sia heak ngeingawlna mundang khat pawpo ah hong tua luilam le bang law tu khi ziam? Tuasia ciang Ahab munah nang hi sungah om hi ka ci ciang, ama in hong mu zo buale kei hong thatlum tu hi. Ka no ciang a thu um, Topa a biapa ka hi hunlam sia ciamtee in.

2 Khangtaanghthu 34:3

Josiah a kumpi sua zawk kum liat a phak kumin khangmoi mama lai ahihang ama in a taanghpupi David kumpipa ii Pathian a biak kipan hi. Kum li zawkciang ama in doai sepna munte, Asherah numeipathian limte le a dang milimte theampo a suksiat kipan hi.

Thuhilsya 12:1

Na thinngim tu ni le a kum hong thet ma, “Nuntak paw nuamsa bong” na ci ma, na khangmoi lai in nang hong Bitphuapa phawk in.

Matthew 18:28

“Tuaciangin tua naseampa pusuak in, ama tungah sum tawm a ba naseam dang khat taw kisi uh hi. Tua pa sia manin a tawlsaan a, ‘Sum nong bat teng hong lo ta'n,’ ci hi.

Matthew 20:1

“Vantung ngam sia hi bang hi. Khatvei lai in pasal khat in a sapithuan sungah diang tu in, mihing pawlkhat cial tu in, zingtuungin kuan hi.

Matthew 20:13

“Tuasia ciang, ‘Lawmte awng, hong ngai tavun, hong theam ngawl khi hi. Ngaisun le uhte ni khat bup thaman tu ngunn dangkatang khat taw lungkim a kong cialte na hi uh hi.

Matthew 20:3

Zingsang nai kua sa in sumzuakna a pai ciang, mihing pawlkhat nasep nei ngawlin om mu hi.

Matthew 20:9

Nai nga ciangin nasep kipante sia, ngun dangkatang khat tek pia hi.

Matthew 22:19

Shia piak tu sumtang sia hong lak tavun,” ci hi. Amate in sumtang a kungah paipui uh hi,

Matthew 9:37

Tua ahikom nungzuite munah, “Anlaak tu tam mama a, ahihang lo sungah anla tu, mi tawm hi.

Mark 12:15

Ahihang Jesus in amate ii thimthel pilna teng tel a, ‘Banghangin kei thaang hong sia nuam nu ziam? Ngunn dangka khat hong paipui tavun, hong en sin tong,” ci hi.

Luke 1:15

Ama Topa muna ah mi thupi khat hong hi tu hi. Ama in sapittui le zu ne ngawlin a om kul tu hi. A nu ngilsung pan kipan ama Thaa Thiangtho taw kidim tu hi.

Luke 10:35

A zing ciangin, ama in ngun dangka pheak nii la in, zin innneipa pia hi. ‘Ama na ousak in. Kong pai kik ciangin, ama tungah na bona dang theampo zongh kong pia tu hi,’ ” ci hi.

Luke 20:24

“Ngunn dangka khat hong la tavun. Akua lim le min a tungah ki at ziam?” ci hi. “Kumpilianpa aa hi,” ci uh hi.

2 Timothy 3:15

Jesus Christ ih upna tungtawnin ngupna thu sungah hong lampui ciimna hong pia thei Lai Thiangtho sia na no ciang a, na heaksa thu ahi hunlam ciamtee ta'n.

Thupualaakna 6:6

Nganhing lite sung pan khat ii aw tu bangin ka zaak khat in, “Ni khat thaman sia zungtaang litre khat, ni khat thaman tu mangtaang litre thum hi. Ahihang olive kungte le sapitkungte na lalsak heak vun!” hong ci hi.

1 Samuel 2:18

Tua hun sungin patang Samuel sia puanneal kawngsawm thiangtho khat taw Topa na seam hi.

1 Samuel 2:26

Patang Samuel sia hong khang tawto a, Topa le mihingte mai ah maipha nga hi.

1 Samuel 3:1

Tua hun lai, patang Samuel in Eli ii lamlakna bang a Topa atu a sep lai in, Topa tung pan thu hong pai sia tawm mama hi, tuaciang mang muna te tam ngawl hi.

1 Samuel 3:21

Topa in ama le ama sia Shiloh ah a kizomin Samuel tungah hong kilaak a, paupui hi. Tuaciang Samuel ii a pau ciang, Israel theampo in ngai uh hi.