Matthew 20:13 - Syin Chin Bible

¹³ “Tuasia ciang, ‘Lawmte awng, hong ngai tavun, hong theam ngawl khi hi. Ngaisun le uhte ni khat bup thaman tu ngunn dangkatang khat taw lungkim a kong cialte na hi uh hi.

Matthew 20:13 Iomraidhean Croise

Pianciilna 18:25

Mawbaang ngawlte a mawte taw thatlum khawm ngeingawl het tu ni hi. Tuasia suak thei ngawl hi! Tuabang vawt thei ngawl tu ni hi. Tuabang vawt thong lete a mawte bangma in a mawbaang ngawlte zongh daan thuak tu hi thong hi. Hi thei ngawl tu hi. Leitung theampo ii thukhenpa in thu a maan in a khen kul tu hi,” ci hi.

Job 40:8

Kei thutang ngawl hi hong ci nuam in hanciam a — kei a khial hong tangsak a nang le nang kimaansak nuam ni ziam?

Matthew 20:14

Tu in na ni thaman uh la in cia tavun. A khakbel a kicial hi sia pa zongh, no kong piak za ma pia nuam khi hi.

Matthew 20:2

A kipia ngeiza ngunn dangka pheak khat tek piak tu in, thukim in a cial te sia sapithuan sungah kuansak hi.

Matthew 22:12

‘Lawm awng, mopoai puan silh ngawlin hi sungah bangbangin hong tum thei ni ziam?’ ci in dongh hi. Ahihang tua pa in a zo natu a he bua hi.

Matthew 26:50

Jesus in zo a, “Na sep tu po seam memeang in, lawm awng!” ci hi. Tua zawkciang amate hong pai in, Jesus man in lencip uh hi.

Romete 9:20

Ahihang lawmpa awng, Pathian kam a zo kik tu in nang akua na hi ziam? Tungbeal khat in a vawtpa munah, “Banghangin kei hi bangin hong vawt ni ziam?” ci in a dongh thei bua hi.