Matthew 2:7 - Syin Chin Bible

⁷ Tua ahikom Herod in nisuana sang pan hong pai leangnate sam ku a, aksi a kilangh bang hun tatak ziam, ci in dongh hi.

Matthew 2:7 Iomraidhean Croise

Psalm Late 55:21

A kammal ahile noaidiat sangin neal zaw ahihang, a thinsung ah etsatna om hi; a kammalte sia sathau bangin neal a, ahihang tuate in namsau hiamte bangin bantan hi.

Pusuana 1:10

Ngal om luilam thong le, ei hong sim tu in ih ngalte taw kipawl in, ngamsung pan suakta tha tu hi. Amate hong tam vaial ngawl natu in, ih khaam zawk natu lampi zong tawng,” ci hi.

Mi Simna 24:17

Maisang hun tu ka en a, Israel minam ka mu hi. Tua minam sungah, Aksi taang taw kibang kumpi khat piang tu hi. Thazau bangin Israel sungah ama hong khang tu hi. Ama in Moab lampuite saat tu a, Seth mite theampo saatvawk tu hi.

Matthew 2:1

Jesus sia Herod Kumpipa maan lai in, Judea ngam Bethlehem khua ah suak hi. Tua zawk hai ngawlin aksi huvau a kante in nisuana sang pan Jerusalem ah hong pai uh a,

Matthew 2:16

Nisuana sang pan hong pai mihing pilte in theam ahi hunlam Herod in a phaw ciangin a thin uuk mama hi. Bethlehem khua sung le a kiim a paam a om, kum nii le a nuaisia patangno theampo thalup tu in thupia hi. Mipilte ii aksi a mu hun taw tuatin tuabangin ngamta hi.

Matthew 2:8

Tuaciang, hi bang sawlna taw Bethlehem ah paisak hi. “Pai tavun a, patangno sia pha tak hong zong tavun. Na mu zawk uh ciang hong zasak kik tavun, kei zongh pai in ka bia tu hi,” ci hi.

Sawltakte 24:22

Tuaciang Felix in, Lampi ii thu a heak siat sa ahiciang, thusitna tawlngasak hi. Ama in “Ngalkap hon ukpa Lysias hong thet ciangin, na thu uh kong khensak tu hi,” ci hi.

Thupualaakna 12:15

Tua teng zawkciang ngulpui in numeinu a taai tu in, a kam sung pan, khuanawl tui a pusuaksak hi.

1 Samuel 18:21

Ama le ama hi bangin kici hi, “Michal sia David ka pia tu a; ama thaang ka sia natu ka tanu zangh tu khi hi, tuasia ciang Philistine te in ama thatlum tu hi.” Tua ahikom Saul in David munah a nii veina in, “Nang sia ka maakpa hi tu ni hi,” ci hi.