Matthew 2:5 - Syin Chin Bible

⁵ “Judea ngam Bethlehem khua ah suak tu hi, banghang ziam cile kamsaang khat in hi bangin at zo hi:

Matthew 2:5 Iomraidhean Croise

Pianciilna 35:19

Rachel a thi ciang Eprath paina lampi hui, tu in Bethlehem a kici na munah kiphum hi.

Matthew 2:1

Jesus sia Herod Kumpipa maan lai in, Judea ngam Bethlehem khua ah suak hi. Tua zawk hai ngawlin aksi huvau a kante in nisuana sang pan Jerusalem ah hong pai uh a,

Matthew 2:4

Ama in thiampi liante theampo le Thukham hil sya theampo kaikhawm in, “Messiah koisungah suak tu ziam?” ci in dongh hi.

John 7:42

Laithiangtho ii ci bangin Messiah sia David Kumpipa suan hi tu a, David teenna khua ahi Bethlehem ah suak tu hi,” ci uh hi.

Joshua 19:15

A ngam sungah Kattath, Nahalal, Shimron, Idalah le Bethlehem kihel a: a kiim a khuate taw kopin khuapi sawm le nii ahi hi.

Thukhente 17:7

Tua hun laitak ma in Judah ngam Bethlehem khua ah a teang Levi te khangmoi khat om hi.

Ruth 1:1

Khua ngeipi hun lai, Israel te ii kumpi a nei ma in, a ngam sungah kialpi hong tung hi. Tua ahikom Ephrath bee le phung sung pan, Judah ngam Bethlehem khua a teang Elimelech a kici pasal khat sia a zi Naomi le a tapate nii, Mahlon le Chilion taw Moab ngam ah tawmvei sung teang tu in pai hi. Tua munah a teen lai in,

Ruth 1:19

Bethlehem a thet dong amate paitan uh hi. Amate tua khua a thet uh ciang a khuathing bup liinglawng a, numei te in, “Hi sia Naomi hi takpi ziam?” ci in au uh hi.

Ruth 2:4

Tua zawk tawm vei ciang Bethlehem panin Boaz hong theng a, naseamte paupui in, “Topa in hong ompui tahen!” ci hi. Amate in, “Topa in thupha hong pia tahen!” ci uh hi.

Ruth 4:11

Lampuite le a dangte in, “Hi hi, tetti te hi khu hi. Topa in na zi sia Jacob atu ta tam mama a piangsak Rachel le Leah bang hong hisak tahen. Ephrath bee le ngui sungah hau in Bethlehem khua sungah na minthang tahen.

1 Samuel 16:1

Topa in Samuel munah, “Saul tungtaang bang tanvei khuangai tu ni ziam? Israel kumpipa a hina nial zo khi hi. Ahihang tu in olive thau tawm la in a, Bethlehem khua ah pai in Jesse a kici pasal khat sia kungah haw ta'n, banghang ziam cile ama ii tapate khat kumpi tu in teal zo khi hi,” ci hi.