Matthew 2:2 - Syin Chin Bible

² “Jew te Kumpipa tu in a piang nausen sia koisung a suak ziam,” ci in dongh hi. “Nisuana sang panin ama ii aksi hong suak ka mu uh a, ama bia tu in kong pai uh hi,” ci uh hi.

Matthew 2:2 Iomraidhean Croise

Psalm Late 2:6

Ama in “Ka mual thiangtho Zion ah ka kumpipa ka koi zo hi,” ci hi.

Psalm Late 45:11

Na mealphatna hangin kumpipa in hong dei tu hi; ama in na topa ahikom ama thu na ni tu hi.

Isaiah 60:3

Minamte sia nangma khuavak sungah hong zuan tu a, kumpite sia nangma ii ni thak khuavak hong zuan tu uh hi.

Jeremiah 23:5

Topa in, “David suan a thumaan khat kumpi tu in ka teal tu hun hong theng tu hi. Tua kumpipa in ciimna taw ngam uk tu a thumaan thutang sia seam in a ngam buppi uk tu hi.

Jeremiah 30:9

Amate in Topa a Pathian le, kumpi ka suasak tu David ii suan le paal khat ii na seam zaw tu uh hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Mi Simna 24:17

Maisang hun tu ka en a, Israel minam ka mu hi. Tua minam sungah, Aksi taang taw kibang kumpi khat piang tu hi. Thazau bangin Israel sungah ama hong khang tu hi. Ama in Moab lampuite saat tu a, Seth mite theampo saatvawk tu hi.

Matthew 2:3

Herod Kumpipa in hi thu a zaak ciang, Jerusalem a om midangte bangma in liinglawng hi.

Matthew 21:5

“Zion khuapi munah son vun, En vun, na kumpipa no kungah hong pai hi! Ama kiniamkhiak in laa tungah to a, laapui ii ta laano tungah to hi.”

Matthew 27:11

Jesus sia Romete ii ngamuk mangpa mai ah ding a, tua pa in, “Nang sia Jew te ii kumpipa na hi ziam?” ci in dongh hi. “Nangma ci bang ahi hi,” ci in Jesus in zo hi.

Luke 19:38

“Topa min taw hong pai Kumpipa tungah Pathian in thupha pia tahen! Vantung ah thinnopna om tahen a, Pathian minthang tahen!” ci uh hi.

Luke 2:11

Tuni mama in David khua ah note hong Hunpa — Christ Topa suak zo hi.

Luke 23:3

“Nang sia Jew te ii Kumpipa na hi ziam?” ci in Pilate in dongh hi. “Nangma ci bang ahi hi,” ci in Jesus in zo kik hi.

Luke 23:38

Ama ii tungah, “Hisia in Jew te ii Kumpipa ahi hi,” ci in ki at hi.

John 1:49

Nathanael in, “Syapa awng, nang sia Pathian Tapa na hi hi! Israel Kumpipa na hi hi!” ci hi.

John 12:13

Tua ahikom amate in palm thingbaakte la in, ama muak tu in pai uh a, “Pathian pok vun! Topa min taw hong paipa, Pathian in thupha pia tahen! Pathian in Israel Kumpipa thupha pia tahen!” ci in au uh hi.

John 18:37

Pilate in, “Tua ahile kumpipa khat na hi ziam?” ci in dongh hi. Jesus in, “Kumpipa hong ci sia nangma na hi hi. Hi leitung ah suak a, thumaan thutak sia ii thu son tu tupna khat taw in kong pai hi. Thumaan thutak ii neisa ahite peuma in kei thu hong ngai hi,” ci in zo hi.

John 19:19

Pilate in heaksakna laino khat at in, thinglamtee tungah taak hi. “Jew te Kumpipa Nazareth khua mi Jesus,” ci in a at hi.

John 20:28

Thomas in, “Ka Topa le ka Pathian awng!” ci in zo hi.

John 5:23

tua thu sia mihing theampo in Pa a zatak bangma in, Tapa a zatak natu ahi hi. Tapa a zakta ngawl po in ama a sawl ahi Pa sia zakta ngawl hi.

John 9:38

“Ka um hi, Topa awng!” ci in Jesus mai ah ama khupdin hi.

Hebrew te 1:6

Ahihang Pathian in a Tapaciil leitung ah a paisak tu ciangin, “Pathian ii vantunglalangte theampo in ama bia tu hi,” ci hi.

Thupualaakna 22:16

“Keima Jesus in, hi thute pawlpi sung note tungah a thangsak tu in ka vantunglalang kong paisak zo hi. Kei sia David ii zung le a suan ka hi hi; keima in nikonghong aksi taang sia ka hi hi,” ci hi.