Matthew 2:12 - Syin Chin Bible

¹² Pathian in amate Herod kungah, a heak kik ngawl natu in, a mang sungah hilkhol ahikom lampi dang khat tawn in, a ngam ah cia kik uh hi.

Matthew 2:12 Iomraidhean Croise

Pianciilna 31:24

Tua zanin Laban mang sungah Pathian kilangh in Laban tungah “Bangbang po ahizong Jacob na lauthawn ngawl natu in kidawm ta'n,” ci hi.

Pusuana 1:17

Ahizong nausuaksak syamate in Pathian kiita ahikom kumpipa thu ni ngawl hi; amate in panote nungtasak hi.

Daniel 2:19

Tuasia ciang tua zanin tua thu tumdang sia Daniel mukholna sungah kipualaak hi, tuaciang ama in vantung Pathian a pok hi:

Matthew 1:20

Tuabangin a ngaisut laitakin, Vantunglalang khat a mang sungah hong kilak a “David ii suan Joseph awng, Mary sia na zi tu in teenpui kiita heak in. Banghang ziam cile ama sia Thaa Thiangtho in ngaisak hi.

Matthew 2:13

Amate a pai zawkciang, Topa vantunglalang khat Joseph mang sungah kilangh a, “Herod in patangno sia that tu in zong tu hi. Tua ahikom patangno le a nu Egypt ngam ah taipui ta'n, cia kik a kong sawl dong, tua munah om tavun,” ci hi.

Matthew 2:19

Herod thi zawkciang Egypt ngam a om Joseph mang sungah Topa vantunglalang khat kilangh a,

Matthew 2:22

Ahihang Judea ngam ah Herod za a laih sia Archelaus hi, ci in Joseph in a zaak ciang tua ngam a pai tu lau hi. A mang sungah a ngamtat natu kihil thua ahikom Galilee ngam ah pai in Nazareth khua ah teang hi.

Matthew 27:19

Pilate sia thukhenna inn sung a to laitakin a zi in kamtaisak a: “Mawna nei ngawl tua pa tungtaang ah kihel heak in. Tu zan in ama huvau ka mang sungah nasia takin thuak khi hi,” ci hi.

Luke 2:26

Topa ii a ciamsa Messiah a mu mateng a thi ngawl natu in, thinmuanna pia hi.

Sawltakte 10:22

“Ngalkap bu Cornelius in kote hong sawl hi,” ci hi. “Ama sia Pathian a bia mihing pha khat hi a, Jew te theampo in zakta uh hi. Pathian vantunglalang khat in, ama tungah na son tu thute a zaak thei tu in nang hong sap tu in sawl hi,” ci hi.

Sawltakte 4:19

Ahihang Peter le John in zo kik a, “Pathian mai ah — note thu kong nit tu le, Pathian thu ka nit tu uh, koisia maan zaw ziam, noma tek in khensat tavun.

Sawltakte 5:29

Peter le sawltak dangte in zo kik a, “Pathian thu ka nit tu uh hi a, mihingte thu ka nit tu uh hi ngawl hi.

1 Corinth te 3:19

Banghang ziam cile hi leitung ii ciimna hi ci in a ngaisutte sia Pathian muna ah luithawthong ahi hi. Laithiangtho in, “Pathian in a ciimte sia amate pilna thaang sungah man hi,” ci hi;

Hebrew te 11:7

Ama ii a mu thei ngawl maisang ah hong tung pheang tu nate huvau, Pathian ii kingintaak natu a sonte, Noah ii a zaak thei sia upna hang ahi hi. Ama in Pathian thu ni a, teambaw vawtin, tua ii sungah ama le a innkuanpuite kisuatak hi. Tua hu in leitung bup sia puavawkna thuak a, tuaciang upna pan hong pai thutang suana sia Noah in Pathian tung panin nga hi.

Hebrew te 8:5

A tatakin ci leang ama ii a thiampi nasep in vantung a sia a zui hi a, tua ii limh bek ahi hi. Tua in Moses ii sepna sia bangma ahi hi. Ama in Puanbuk Thiangtho a sak tu ciangin, Pathian in, “Mualtung ah hong kilak sia ii lim bang tatakin, na theampo na vawt hamtang in,” ci hi.