Matthew 2:11 - Syin Chin Bible

¹¹ Amate inn sungah tum a patangno le a nu Mary a mu uh ciang khupdin in bia uh hi. Amate in a ken uh a letsongte khamh, frankincense paaknamtui le myrrh thil namtuite sua in pia uh hi.

Matthew 2:11 Iomraidhean Croise

Pianciilna 43:11

A pa in amate tungah, “Tuabang hi tu ahile ngamsung pan a piang a phabel te: thingnaai tawm, khuaitui tawm, hel namtui tawm, pistachio nga le almond ngate tun in ngamukpa tungah piak tu in keng tavun.

1 Kumpite 10:10

Ama in Solomon kumpipa tungah letsong hong paipui teng: khamh kilogramme 4,000 vaal, hel namtuite le suangmanpha tam mama pia hi. Tua hel namtui teng sia ama ii vanh saan ngei theampo sung pan a nasiabel ahi hi.

1 Kumpite 10:2

Ama in a lalangte honpui khat, hel namtuite, suangmanpha le khamh tam ma a pua kalaoh te hong paipui hi. Ama le Solomon a kisik ciangin a ngaisut thei za taw thu doknate nei hi.

Psalm Late 2:12

ama mai ah liinna taw kun vun; tua ahibuale ama thin uuk vat tu a, thakhat thu in na thi tu uh hi. Ama a bealte in a lungdamte ahi uh hi.

Psalm Late 45:8

Myrrh le aloe a namtuite thau, na puan tungah nam hi; saiha taw a kizeam kumpi inn sungah music thiamte in nang hong lungdamsak hi.

Psalm Late 72:10

Spain le tuikulhte kumpipate in ama letsong pia tu uh hi; Arabia le Ethiopia kumpipate in ama tel pia tu uh hi.

Psalm Late 72:15

Kumpipa a khansau tahen! Ama sia Arabia pan khamhte kipia tahen; ama atu in thungetna a tawntung kivawt tahen; Pathian thupha ama tungah om tawntung tahen!

Psalm Late 95:6

Hong pai tavun, kunin ama bia tek tawng; eite hong Vawtpa, Topa mai ah khupdin tek tawng!

Pusuana 30:23

“A phabel hel namtuite — Myrrh paaknamtui tui kilogramme 6, a ngimnamtui thingzungthum kilogramme 3, tu ngimnamtui kilogramme 3,

Pusuana 30:34

Topa in Moses tungah, “A nuai a hel namtuite — stacte, onycha, galbanum le frankincense paaknamtui ciitak te a khen kikim tekin la in.

Solomon ii La 3:6

Sennealngam pan meikhu khuam khat bang, ngimnamtui le sum vawtte ii zuak paaknamtui bang, myrrh thingnaai namtui taw hong pai sia a bang ziam?

Isaiah 60:6

Midian le Ephah panin, kalaoh vanhpua honpite hong pai tu hi. Amate sia Sheba panin hong pai tu a, Khamh le ngimnamtui hong paipui tu hi. Mihingte in Topa sep sa thuphate son tu uh hi!

Thiampite 6:15

A vekpi in Topa tungah a kipia a hina thu heaksakna in ama in khutdim khat anvui le sathau, a tungah ngimnamtuite buakin, biaknatau ah hal tu hi. Hi biakpiakna ii ngim in Topa lungkimsak hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

Matthew 1:18

Jesus Christ suana sia hi bang ahi hi. A nu Mary sia Joseph taw teang tu in a kidongh sa ahi hi. Ahihang a kiteen uh ma in, ama Thaa Thiangtho taw naungil om hi.

Matthew 12:46

Jesus in mihonpite thu a hil laitakin, A nu le a suapuipate hong theng hi. Amate in paupui nuam in doipua ah ding uh hi.

Matthew 14:33

Tuasia ciangin ngunkuang sung a om nungzuite in Jesus bia uh hi. “Pathian Tapa takpi ma na hi hi!” ci in au uh hi.

Matthew 2:2

“Jew te Kumpipa tu in a piang nausen sia koisung a suak ziam,” ci in dongh hi. “Nisuana sang panin ama ii aksi hong suak ka mu uh a, ama bia tu in kong pai uh hi,” ci uh hi.

Luke 2:16

Tuaciang amate manlangin pai uh a, Mary, Joseph le khui ankuang sungah nausen kisial mu uh hi.

Luke 2:38

Tua hun laitak ma in, ama hong theng a, Pathian tungah lungdam a ko zawkciang, Jerusalem a suatak tu Pathian a ngakte theampo tungah patangno ii thu son hi.

John 19:39

Zan lai in Jesus taw kimu tu in, a pai masa pa, Nicodemus sia Joseph taw ton hi, ama in thing namtui myrrh le aloe te a kihel kilogramme 30 bang hong paipui hi.

Thupualaakna 19:10

A peang ah ama bia tu in ka bok hi, ahihang, ama in, “Hong bia heak in! Keima in, Jesus ii hong pualaak thumaan thutak a kholet nangma le na suapuite theampo taw naseam khawm khat ka hi hi. Pathian bia in!” hong ci hi. Banghang ziam cile Jesus ii hong pualaak thumaan thutakin kamsaangte thinsung a hil sia ahi hi.

Thupualaakna 5:8

Tuabang a vawt ciangin, nganhing li teng le upa kul le li teng sia Tuuno mai ah boksuk uh hi. Tengtongh khat tek le ngimnamtui taw a kidim khamh khawbeamte nei tek uh a, tuate sia Pathian ii mihingte ii thungetna ahi uh hi.

1 Samuel 10:27

Ahihang mihing mannung ngawl pawlkhat in, “Hi sia pa in ei tungah a pha khat po bangbangin hong vawt thei thong tu ziam?” ci uh hi. Saul sia simmaw in letsong bangma a puak bua uh hi.