Matthew 19:9 - Syin Chin Bible

⁹ A tatakin kong ci ciang, pasal khat in a zi sia, vaang kitan ngawlna simngawl, thudang taw a khul a, numei dang a teenpui le ama in palngul mawna vawt ahi hi,” ci hi.

Matthew 19:9 Iomraidhean Croise

Pianciilna 20:3

Zan khat Abimelech ii mang sungah Pathian kilangh a: “Hi numei na laak hu in, nang na thi tu hi, banghang ziam cile ama in pasal neisa ahi hi,” ci hi.

2 Khangtaanghthu 21:11

Ama in Judah ngam mualsaangte tungah doai sepna munte ngawngawn vawtin, Judah le Jerusalem mite Topa langpanin mawna sung then hi.

Jeremiah 3:1

Topa in, “Pasal khat in a zi khul a, tua nu in ama nusia in ngualdang khat ii zi a suak le, ama in tua nu la kik thei ngawl tu hi. A la kik ahile a ngam ninsak siat tu hi. Ahihang Israel awng, nang in lawm tam mama na nei zawkciang tu in ka kung nong zuan kik nuam hi!

Jeremiah 3:8

Israel sia keima kung pan tai zo a, pumpi kizuak numei khat suak zo ahi hu in ama khul a, ka nawkeakna thu sia Judah zongh in mu hi. Ahihang Israel ii a thumaan ngawl a suapuinu Judah sia lau ngawl hi. Ama zongh pumpi kizuak khat suak a,

Ezekiel 16:15

“Ahihang na mealphatna le na minthanna te suangin hong pai po na luppui hi.

Ezekiel 16:29

Sumvawt minam Babylon te a tu zongh pumpi zuak khat na hi hi, ahihang amate in nang hong lungkimsak tuan ngawl hi”.

Ezekiel 16:8

“Nang kaantanin kong pai kik ciang, ngual taw a kidei thei tu na hi hun hong theng zo na hi sia kong mu hi. Na pumnguaktang sia ka laktong puasilh taw kong khu a, itna kamciam kong pia hi. Hi hi, nangma taw kiteenna thuciam kong pia a, nang sia keima aa na suak hi,” ci hi. Hisia Vaanglianpipa Topa son teng ahi hi.

Matthew 19:10

A nungzuite in ama tungah, “Pasal le zi kilaklaw ah ngamtat natu sia tu a bang ahi thong le kiteang bualeang phazaw hi,” ci uh hi.

Matthew 19:8

Jesus in, “Moses in zi khul thei natu thu hong pia hi, banghang ziam cile noma sia hil hak mama nu hi. Ahihang bitphua ciil hunin tuabang thu om ngawl hi.

Matthew 5:32

Ahihang tu in kong ci in ah: a zi ii thumaan ngawlna simngawl thudang taw pasal khat in a zi khul a, tua nu in pasal dang khat a nei kik le, nupa palngul mawna a vawtsak suak hi. A pasal kik sia zongh in, nupa palngul mawna vawt ahi hi.

Luke 16:18

A zi a khul pasal khat in numei dang khat taw a teang kik le nupa kipalngul mawna vawt ahi hi. Tuaciangin a kikhul numei khat a teenpui pa in nupa kipalngul mawna vawt ahi hi.

1 Corinth te 5:1

Tu in, Pathian he ngawlte sung zongh ah a om ngeingawl, a patau huai numei le pa paktatna note sungah om hi, ci in kison takpi hi. Pasal khat sia a nu kik taw lumkhawm hi, ci in hong kison hi!

1 Corinth te 7:39

Pasal nei numei khat in a pasal nuntak laiteng a suakta bua hi; ahihang a pasal a thi le a teenpui nop pawpo taw a kiteen thei natu in suakta hi, ahizong Tapidaw khat ahile bek teenpui thei tu hi.

1 Corinth te 7:4

Zi in ama ii pumpi a uk hi ngawl a, a pasal ii uk ahi hi; tuasia bangma in a pasal in ama ii pumpi a uk hi ngawl a, a zi ii uk ahi hi.