Matthew 19:29 - Syin Chin Bible

²⁹ Tuaciang a kuama po kei hu in, a inn, a suapuipate, a suapuinute, a pa, a nu, a tate, a leitang khat pawpo a nusiate in, a see zakhat sangin tamzaw in saang tu a, tawntung nuntakna kipia tu hi.

Matthew 19:29 Iomraidhean Croise

Thuhilsya 3:6

Ama in zon tu hun le bosua tu hun, top tu hun le vawk tu hun,

Matthew 10:22

Kei hangin a kuama theampo in, hong ensan tu hi. Ahihang a tawp dong a thuak zo sia kihun tu hi.

Matthew 13:23

Tuaciangin lei phana ah a taak thaiciite ahile a thu za in a telte ahi uh hi: amate in a zaa zakhat, pawlkhat in a zaa sawmluk, pawlkhat in a za sawmthum in a nga uh hi.”

Matthew 13:8

Ahihang thaicii pawlkhat lei phana ah taakin, ankungte hui a; a kung pawlkhat ii tung pan a zaa zakhat, pawlkhat a zaa sawmluk, pawlkhat a zaa sawmthum in nga hi.”

Matthew 16:25

Banghang ziam cile, a nuntakna a huu nuam sia in taan tu a, ahihang kei hu a, a nuntakna a taan sia in nuntakna mu tu hi.

Matthew 19:16

Khatvei lai in Jesus kungah pasal khat hong pai hi. “Sya awng, tawntung nuntakna nga natu in, bang nasep pha ka seam tu ziam?” ci in Jesus dongh hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 25:46

Tua ahikom hite sia tawntung daan thuak natu sungah kipuak tu a, ahizong a thumaan thutangte sia tawntung nuntakna sungah pai tu hi,” ci hi.

Matthew 5:11

“Kei nungzui na hi uh hu in ngual in hong zawngsak hong vawtsia in, ngitlo leilot thu a nanam taw mawna hong zong le mihing lungdamte na hi uh hi.

Matthew 6:33

Tua sangin Pathian Ukna-ngam le ama in nang tung pan bang dei ziam, ci sia thupisak masa vun, tua hile ama in tua nadang theampo zongh hong sik tu hi.

Luke 14:26

“A kuama po kei nung hong zui tu sia in, a pa, a nu, a zi, a tate, a suapuipate, a suapuinute le, ama le ama mama sang zonghin kei hong it zaw buale kei nungzui a suak thei buatu hi.

Luke 5:11

Amate in a ngunkuang uh vaalbo tungah kaito a, a neisa theampo nusia in, Jesus nung zui uh hi.

Luke 6:22

“Mihing Tapa hangin ngual in hong ensan a, hong nial in hong lang in, misiate awng hong cile, a lungdamte na hi uh hi!

John 15:19

Note leitung neisa hi le uhte leitung in ama aituam bangin hong it tu hi. Ahihang hi leitung panin note kong teal zo a, note leitung neisa na hi nawn bua uh hi; tua hu in leitung in note hong ensan hi

John 4:36

Anla pa sia thaman kipia a, ama in tawntung nuntak natu ante kaikhawm hi; tua ahikom thaicii poaipa le anlapa lungdam khawm tu hi.

Sawltakte 9:16

Tuaciang keima mama in kei ii hu a, a thuak tu theampo zongh ka lak tu hi,” ci hi.

1 Corinth te 2:9

Ahitazong, laithiangtho in, “Kuama ii a mu ngeingawl a zaak ngeingawl, suak thei tu in a ngaisut ngeingawl thu sia, ama a itte atu in Pathian ii a vawtkhol sa ahi hi,” a ci bangma ahi hi.

2 Corinth te 5:16

Tua ahiciang, mihingte munate taw kuama tungah thu ka khen nawn bua uh hi. Khatvei lai in Christ sia mihing munate taw thukhen ngei ka hita uh zong tu in tuabangin ka khen nawn bua uh hi.

Philippi te 3:8

Tuate bek ahi bua hi: ka Topa Christ Jesus heakna thu sia manpha zaw pek ahi hu in nadang theampo sia supna hi ci in ka tuat hi. Ama hangin na theampo ka vawk zo hi; Christ ka nei thei natu le, ama taw pumkhat ka sua bit thei natu in na theampo sia ninbu lomtangh bang bekin ka ngaisun hi,

1 Peter 4:14

Christ ii nungzui na hi uh hu in hong kizawngsak ahile, na lungdam tu uh hi; tua in a vaanglian Thaa ahi Pathian Thaa Thiangtho in no tungah a om hang ahi hi.

3 John 1:7

Banghang ziam cile amate sia Christ ii na seamin khual a haw uh ciang, thu um ngawlte tung pan huna bangma saang ngawl uh hi.