Matthew 19:22 - Syin Chin Bible

²² Khangnopa in hi thu teng a zaak ciangin khuangai in paisan hi, banghang ziam cile ama hau mama hi.

Matthew 19:22 Iomraidhean Croise

Psalm Late 17:14

hi leitung nuntakna sungah a dei uh po a neite khut sung panin hong hun ta'n. Amate atu na khealsia ngimnate taw amate daan pia in; tua daante sia a tate atu zongin kicing lai tahen a, a tate ii tate dong pawlkhat khomsuan lai tahen.

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Matthew 13:22

Lingphung sung a thaicii taakte sia a thu a zate ma hi a, ahihang nuntak natu thinngim in, hau tu a uukte hi a, tuate in khulup ahikom a nga a hui a nei bua uh hi.

Matthew 14:9

Kumpipa sia khuangai hi, ahihang leangnate mai ah, kamciam a piaksa ahikom a nget bangin, a kivawt natu thupia hi.

Matthew 16:26

Mihing khat in leitung theampo a nga zonghin, ama nuntakna a taan le bang meetna nei tu ziam? Meet ngawl tu hi! Ama nuntakna a nga kiksak natu a piak thei khat zongh om ngawl hi.

Matthew 19:21

Jesus in ama munah, “Na cialcing nuam le, va pai ta'n a, na neisa theampo zuak in, sum na nga teng a zawngte pia ta'n, tua hile vantung ah na hau tu hi; tua zawkciang ka nung hong zui ta'n,” ci hi.

Matthew 19:23

Jesus in a nungzuite munah “A tatakin ka ci ciang sumhaute Vantung ngamsung a thet tu sia haksa mama tu hi.

Matthew 6:24

“Kuama in to nii ii sal hi thei ngawl hi. Ama in khat ensan tu a, khat it tu hi; khat ii tungah thumaan tu a khat puavawk tu hi. Pathian le sum ii sal na seam khawm thei buatu hi.

Mark 10:22

Pasalpa in hi thu a zaak ciangin a maikhing a, khuangai in a paisan hi, banghang ziam cile ama hau mama hi.

Mark 6:26

Kumpipa sia hi thu huvau in khuangai mama hi, ahihang a leangna theampo ii mai a kiciamna a vawtsate hu in, a nial thei bua hi.

Luke 18:23

Ahizong pasalpa in hi thu a zaak ciang khuangai mama hi; banghang ziam cile ama hau mama hi.

John 16:20

A tatakin kong ci hi: note au in kap tu nu hi, ahihang leitung lungdam tu hi; note hee tu nu hi, ahihang na heena uh sia lungdamna hong suak tu hi.

Ephesus te 5:5

A kuama po a paktatte, a thasiathuai a, a kithoaite le a duhopte (duhop sia milim biakna nam khat hi) in Pathian le Christ Ngam lua ngeingawl tu hi ci sia pha takin na he uh hi.

Colossae te 3:5

Note in na sungah na hong seam leitung deinate na thisak uh kul tu hi, tuate sia numei le pa khialna, kiihuai ngamtatna, cii le sa deina zui nopna, ngamtat sia tatnopna, duhopna (duhopna sia milim biakna nam khat ahi hi) te ahi hi.