Matthew 19:21 - Syin Chin Bible

²¹ Jesus in ama munah, “Na cialcing nuam le, va pai ta'n a, na neisa theampo zuak in, sum na nga teng a zawngte pia ta'n, tua hile vantung ah na hau tu hi; tua zawkciang ka nung hong zui ta'n,” ci hi.

Matthew 19:21 Iomraidhean Croise

Pianciilna 17:1

Abram kum sawmkua le kum kua a phak ciang ama tungah Topa kilangh a, “Keima in Vaanglianbelpa Pathian ka hi hi. Ka thu hong ni ta'n a, a maan in seam tawntung in.

Pianciilna 6:9

Hi sia Noah taanghthu ahi hi. Ama in tapa thum nei a, Shem, Ham le Japheth te ahi hi. Noah in khialna nei ngawl a, ama ii hun lai in ama bekma mipha om hi. Pathian taw kithawlin nungta a,

Job 1:1

Uz ngam ah a teang Job kici mi khat om a, ama in Pathian bia in, ama ii tungah thumaan hi. Ama mihing pha khat hi a, siatna peuma a vawt ngawl natu in kidawm hi.

Psalm Late 37:37

Mihing pha pa en vun a, thutang pa entel vun; kilemna a nei mihingte in suan le paal nei hi,

Matthew 16:24

Tua zawkciang Jesus in a nungzuite munah, “Khat po in kei hong zui nuam le ama le ama kinial in, a thinglamtee pua in, ka nung hong zui tahen.

Matthew 19:20

“Hi thupiakte theampo ka zui siat sa hi,” khangnopa in ci hi. “A dang bang ka sep tu kul lai ziam?” ci hi.

Matthew 19:22

Khangnopa in hi thu teng a zaak ciangin khuangai in paisan hi, banghang ziam cile ama hau mama hi.

Matthew 19:28

Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.

Matthew 4:19

Jesus in amate tungah, “Hong zui tavun, mihing mante kong suaksak tu hi,” ci hi.

Matthew 5:48

Vantung a na Pa uh cialcing ahi bangma in, no zongh na cialcing uh kul hi,” ci hi.

Matthew 8:22

Jesus in, “Hong zui ta'n, mithite in amate ii mithi vui tahen,” ci hi.

Matthew 9:9

Jesus in tua mun nusia in lamdung zui in a pai laitak Matthew a kici shiadong khat a zum sungah a to mu hi. Tua pa munah, “Hong zui ta'n,” ci hi. Matthew zongh dingin zui hi.

Mark 10:21

Jesus in ama itna taw en in, “Na kisap khat bek om lai hi. Va pai ta'n a na neisa theampo zuakin, na sum nga teng mizawngte pia ta'n; tuasia ciang vantung ah hauna na nei tu hi; tua zawkciang hong pai ta'n a, ka nung hong zui ta'n,” ci hi.

Mark 2:14

A pai kawkawm in, Alphaeus ii tapa Levi kici shiadongpa a zum sungah to in a om mu hi. “Hong zui ta'n” ci hi. Levi zongh ding vangiat in zui hi.

Mark 8:34

Tua zawkciang Jesus in mihonte le a nungzuite ama kungah sam a, “Mihing khat po in kei hong zui nuam le, ama le ama kinial in, a thinglamtee pua in hong zui tahen.

Luke 12:33

Na neisa theampo zuak vun a, na nga uh sumte a zawngte pia vun. Na hauna uh sia van ah na khol vun, tua munah a man sulh ngeingawl tu hi. Banghang ziam cile tua munah ngutate in ngu thei ngawl a, nget in ne thei ngawl hi.

Luke 14:33

Tuabang ma in note khat pawpo in na neisa theampo na nusia bua uh le, ka nungzui na suak thei buatu uh hi” ci hi.

Luke 16:9

Jesus in hi bang ci thua hi. “Kei kong cina pan: leitung haunate taw ngualtamh zong vun, tuaciang, tuasia a bo ciang tawntung inn ah no hong kisaang tu hi.

Luke 18:22

Jesus in hi thu a zaak ciangin ama tungah, “Na khat nasep tu kisamh lai ni hi. Na neisa teng zuakin a, na sum nga teng a zawngte pia in, tua hile vantung ah hauna na nei tu hi; tua zawkciangin hong pai ta'n a, ka nung hong zui ta'n,” ci hi.

Luke 5:27

Tua zawkciang Jesus pusuak a, Levi kici shiadongpa a zum sungah to in a om mu hi.

Luke 6:40

Sangpatangpa in a syapa sangin, lianzaw ngawl hi; sangpatang peuma a sin tu teng a man zawkciangin, a syapa bang hong hi pheang tu hi.

Luke 9:23

Tuaciangin amate theampo tungah hi bangin ci hi, “Kei nung hong zui nuam khat po in ama le ama kinial in a thinglamtee ni simin pua in hong zui tahen.

John 10:27

Ka tuute in ka aw hong ngai hi; amate ka he a, amate in ka nung hong zui uh hi.

John 12:26

Ka naseampa sia keima omna po ah, keima taw a om thei natu in, kei atu hong sepsak nuam peuma in kei hong zui kul tu hi. Tuaciang kei atu a seam khat pawpo sia ka Pa in patoai tu hi.

Sawltakte 2:45

Amate in a neisate zuak a, mihing khat sim ii a kitaangsapna babang taw kizui in, a sum hawm uh hi.

Hebrew te 10:34

Thongtaakte na thuakpui uh a, na neisa theampo hong kimatsak ciangin, tua supna sia lungdam takin na thuak uh hi, banghang ziam cile a tawntung a, a kikhomsuan tu, a phazaw pek khat, nei nginge lai na hi uh sia na he uh hi.