Matthew 19:19 - Syin Chin Bible

¹⁹ na pa le na nu zakta in, nangma le nangma na ki it bangin na innpaamte zongh it in,” ci in zo kik hi.

Matthew 19:19 Iomraidhean Croise

Pusuana 20:12

“Keima kong piak ngam le lei ah khansau in na nuntak thei natu in na nu le na pa zakta vun.

Paunakte 30:17

A pa sia ngual nuizak tu in ciammuina in a nei, ahibuale a nuhuai a zawngsak mihing khat pawpo sia vaciikte in a sa ne le pha hi, tua ahibuale zong a mittangte ngam va-akte in khel le pha hi.

Thiampite 19:18

Kuama tungah phula heak vun a, kuama ngaimaw top heak vun. Noma le noma na ki it uh bangin na innpaamte it vun. Keima in Topa ka hi hi.

Thiampite 19:3

Kong thupiak bangin note in na nu le na pa zakta vun a, Sabbath tang vun. Keima in Topa na Pathian ka hi hi.

Matthew 19:20

“Hi thupiakte theampo ka zui siat sa hi,” khangnopa in ci hi. “A dang bang ka sep tu kul lai ziam?” ci hi.

Matthew 22:39

A niina a thupibel Thupiak sia tuasia taw ma in kibang hi: ‘Nangma le nangma na ki it bangin midangte zongh na it in.’

Matthew 5:43

“ ‘Na lawmte it vun a, na ngalte ensan vun,” ci thu na zaaksa uh hi.

Luke 10:27

Tua pa in zo kik a, “Na Topa Pathian sia na thin theampo, na thaa theampo, na thahatna theampo le na ngaisutna theampo taw na it in. Tuaciangin nangma le nangma na ki it bangma in, na innpaamte na it in,” ci hi.

Romete 13:9

Thupiak sungah, “Na kipalngul heak vun; mihing na that heak vun; na nguta heak vun; midangte neisa dungawk thin na nei heak vun,” hite theampo le a dangte sia, “Na innpaamte nangma na ki it bangin na it in,” ci thukham in huam siat hi.

Galatia te 5:14

Banghang ziam cile Thukham buppi sia thupiak khat in kingawm hi: “Nangma le nangma na ki it bangin na innpaamte na it in.”

Thuhil kikna 5:16

“ ‘Keima Topa na Pathian ii kong thupiak bangin na nu le na pa zakta vun, tua hile na ma vang tu a, kong piak natu ngam ah khuangei mama na nungta tu uh hi.

James 2:8

Laithiangtho sungah a kimu Kumpi ngam ii thukham na zui uh le, a maan in na a seam na hi tu uh hi. Tua thukham in, “Noma le noma na ki it uh bangma in, na innpaam pa na it vun,” ci hi.