Matthew 19:12 - Syin Chin Bible

¹² Banghang ziam cile pate ii zi a nei thei ngawl natu thu tam mama om hi; pawlkhat sia a nei thei ngawl tu in piang hi; pawlkhat sia ngual in tuabang tu ma in vawt hi; tuaciang pawlkhat in Vantung ngam thu hangin nei ngawl hi. Hi kihilna a saang theite in, tuabangin ngamta tahen,” ci hi.

Matthew 19:12 Iomraidhean Croise

Isaiah 39:7

Nangma sung pan a piang na suan na paalte pawlkhat sia kipaipui tu a, Babylon kumpipa inn sungah numei uk seam tu in a cil kinget tu hi,” ci in son hi.

Matthew 19:11

Jesus in, “Hi kihilna sia mihing theampo atu kici ngawl a, Pathian ii piakte atu bek hi:

Matthew 19:13

Mihing pawlkhat in patangte tungah khut nga a, thungetsak tu in Jesus kungah paipui uh hi; ahihang nungzuite in tua mihingte teih hi.

1 Corinth te 9:15

Ahihang hi ka nga tuak, ka zak tuak uhte ka zangh ngei bua a, tu a lai kong thaakna zongh tuabangte keima atu in a la nuam ka hi bua hi. Tua sangin ka thi nuamzaw hi! Hi kisaktheinate kuama in a luithawthong thu a sua buatu hi.

1 Corinth te 9:5

Sawltak dangte, Topa suapuite le Peter ettee in, ka khualhaw ciang ka kitholpui tu Tapidaw zi khat nei thei natu thu om hi ngawl ziam?

Thupualaakna 14:4

Amate in numeite taw omkhopna a nei ngeingawl tangval thiangthote ahi uh hi. Amate in Tuuno paina theampo zui uh hi. Amate sia a taang lai mihing nam sung panin a kitan sate hi a, Pathian le Tuuno tungah a kipia masa phitte ahi uh hi.