Matthew 18:3 - Syin Chin Bible

³ “A tatakin kong ci ciang kikheal in patangte bang na suak bua uh le Vantung ngam sungah na tum thei buatu uh hi.

Matthew 18:3 Iomraidhean Croise

Psalm Late 131:2

Tua taangin lungkim thinnuamin ka om zaw hi. Nute kaang sungah nauno khat ommuangin a lup bangin ka sungah lungmuanna om hi.

Isaiah 6:10

Tuaciang ama in keima tungah, “Hi mihingte lungmusakin, a na ngongsak in a, a mittawsak in, tua hile amate khuamu thei ngawl, khua za thei ngawl, tel thei ngawl tu hi. Tuabang hile ka kung hong zuan thei in, a ci ka damsak tu hi,” hong ci hi.

Matthew 13:15

Banghang ziam cile amate thin bulthu zo a, a bil uh kihu cip zo in, a mit uh si cip zo uh hi. Tua ahibuale a mittang uh taw mu tu a, a bil uh taw za tu a, a thinsung taw tel tu uh hi. Tuaciang kei kungah hong zuan tu uh hi. Tuasia ciangin amate ka damsak tu hi, Pathian in ci hi.’

Matthew 18:2

Tua ahikom Jesus in patang khat samin, amate mai ah dingsak a,

Matthew 18:4

Vantung ngam sungah a lianbel sia in, ama le ama kiniamkhiak a, hi patang bang ahite ahi hi.

Matthew 19:14

Jesus in, “Patangte ka kungah hong pai tahen, khaam heak vun, banghang ziam cile Vantung ngam sia tuabangte atu ahi hi,” ci hi.

Matthew 19:23

Jesus in a nungzuite munah “A tatakin ka ci ciang sumhaute Vantung ngamsung a thet tu sia haksa mama tu hi.

Matthew 5:18

Na theampo ii tawp natu a khuangkhim mateng, simlei le vanpi a kip laiteng, thukham sung a thu nobel khat zongh a bo thong buatu hi.

Matthew 5:20

A tatakin kong ciciang, Pathian ii deina bang na vawtna sungah Thukham hil Syate le Pharisee te sangin na thumaan zaw uh le bekin Vantung ngam sungah na tum thei tu uh hi.

Matthew 6:16

“Tuaciang, an na tan uh ciang, a kihisak theamte bangin maikhingin om heak vun. Amate sia a antan hunlam uh ngual heak tu in kipua ngawl lui in om hi. A tatakin ka ci ciang, amate in a thaman uh a cing takin a kipiasa ahi hi.

Matthew 6:2

“Mihing cimaw khat huna na nei uh ciangin, mihing a kihitheamsakte in lampi liante tung le biakna innte ah a vawt uh bangin, pokngaina taw vawt heak vun. Amate ahile, mihingte pok tu thangai in tuabangin ngamta hi. A tatakin ka ci ciang, amate ii a thaman uh a cing takin kipia zo hi.

Matthew 6:5

“Thu na nget uh ciangin a kihisak mihingte bangin ngen heak vun! Amate lamkaa khawng le biakna innte ah ngual mu tu in ding a thungen thanuam uh hi. A tatakin ka ci ciang, amate a thaman uh a cing takin kipia zo ahi hi.

Mark 4:12

Tuasia ciang: ‘Amate in e en ahihang a mu buatu hi; ngangai tu ahihang a tel buatu hi. Banghang ziam cile amate in mu thei, za thei thong le Pathian kungah heak kik tu uh a, tuaciang ama in a mawna uh maisak tu hi.’ ”

Luke 13:24

“Kongkha ciakna sungah na tum thei natu in, hanciam vun; banghang ziam cile mihing tam mamate in tum tu in hanciam tu a, a tum zo buatu uh hi.

Luke 22:32

Ahihang, Simon awng, na upna a lal ngawl natu in, thu kong ngetsak hi. Tuaciang kei sangah nong kiheak kik ciangin na suapuite a tha khosak tu ni hi,” ci hi.

John 1:51

Tuaciang in amate tungah, “Thumaan hong son khi hi: vantung kihong na mu tu a, Mihing Tapa tungah Pathian ii vantunglalangte a tuaksuk a kaato kithalee in a om na mu tu hi,” ci hi.

John 3:3

Jesus in, “Thumaan hong son khi hi: niivei a suak kik buale, kuama in Pathian Ngam mu thei ngawl tu hi,” ci in zo hi.

John 3:5

Jesus in “Thumaan hong son khi hi. Tui le Thaa taw a suak buale, Pathian Ngam sungah kuama tum thei ngawl tu hi.

Sawltakte 14:22

Amate in thu umte thakho sua uh a, upna sungah thumaan in a kip natu uh hanthawn uh hi. “Pathian Ngam sungah ih tum thei natu in, ngimna tam mama ih kaantan kul tu hi,” ci in hil uh hi.

Sawltakte 28:27

banghang ziam cile, hi mite ii thin sia bulthu hi, amate in a bil uh humcip a, a mit uh si hi. Tua hi buathong le, amate ii mit in mu tu a, a bil taw a za tu uh hi, tuaciang a thinsung in a tel tu uh hi, tuaciangin kei sangah hong kiheak tu a, amate ka damsak tu hi,’ Pathian in ci hi,” a ci hi.

Sawltakte 3:19

Tua ahiciang kisiik kik vun a, Pathian kung zuan vun, tua hile na mawnate hong kimaisak tu hi. Tuabang na hi uh le,

1 Corinth te 14:20

Ka suapuite awng, na khua ngaisutna uh ah, patang bang hi heak vun; siatna lam ah patang bang na hi vun, ahihang khua ngaisutna ah na khanthin vun.

1 Peter 2:2

Nausen suaktuungte bangin a thiangtho thaa noaitui tatak du tawntung tavun, tuabang a na neakna taw in na khangto tu uh a, ngupna na nga tu uh hi.

2 Peter 1:11

Hisia tungtawnin ih Topa le Hunpa Jesus Christ ii tawntung Kumpi ngam sungah tum thei natu thu a cingin no hong kipia tu hi.