Matthew 18:28 - Syin Chin Bible

²⁸ “Tuaciangin tua naseampa pusuak in, ama tungah sum tawm a ba naseam dang khat taw kisi uh hi. Tua pa sia manin a tawlsaan a, ‘Sum nong bat teng hong lo ta'n,’ ci hi.

Matthew 18:28 Iomraidhean Croise

Nehemiah 10:31

Ngamdangmite in Sabbath ni ahibuale a thiangtho ni khat pawpo ah antang le a dang na khat pawpo hong zuak le ka lei buatu uh hi. Kum sali a cin simin lo ka tho buatu uh a, leiba theampo ka bosak tu uh hi.

Nehemiah 5:7

ka ngamtat tu ka khensat hi. Mipi lampuite le a uliante ka pau a, “Na suapuite nengcip nu hi!” ka ci hi. Tua buaina taw kisai in mihonpite ka sam a,

Paunakte 28:3

Mizawngte a zawthawk vawt thunei mihing khat sia lo an a lalsak vui le ngua taw kibang hi.

Isaiah 58:3

Mite in, “Topa in hong phawk ngeingawl ahile eite in banghangin an tang tu hi ziam? Ama in hong awlmawk ngawl ahile banghangin eite in an ne ngawlin om tu hi ziam?” ci in dongh uh hi. Topa in amate tungah, “A maan tak ci leang an na tan kawmin noma aituam phattuam natu te na del uh a, na naseamte na zawthawk vawt uh hi.

Ezekiel 45:9

Vaanglianpipa Topa in, “No Israel ngamukte awng, mawna khialna na vawt uh khuangei lei zo hi! Na ngoltolna uh le ngual na zawthawk vawtnate tawlnga vun. A pha le a maan bek vawt vun. Ka minamte a ngam uh pan hawlkeak kik ngeingawl tu nu hi. Keima, Vaanglianpipa Topa in hi teng kong son hi.

Matthew 18:27

Kumpipa zongh in ama sia khuangaihuai sa in, a leiba teng maisakin ciasak hi.

Matthew 18:29

A naseppuipa in a mai ah bokin ‘Thinsau takin hong ngak lai ta'n; sum kong bat teng hong lo siat tu khi zam,’ ci hi.

Matthew 20:2

A kipia ngeiza ngunn dangka pheak khat tek piak tu in, thukim in a cial te sia sapithuan sungah kuansak hi.

Mark 14:5

Ngunn dangka zathum sangin a tamzaw kikhawng thei tu a, mizawngte kipia thei tu hi,” ci in, nasia takin numei nu ngamtatna mawpusak uh hi.

Mark 6:37

“Noma in a neak tu khat pawpo pia vun,” ci in Jesus in zo kik hi. “Amate vaak natu ngunn dangka zanii manh anluum lei le hong oai ni ziam?,” ci in amate in dongh uh hi.

Luke 10:35

A zing ciangin, ama in ngun dangka pheak nii la in, zin innneipa pia hi. ‘Ama na ousak in. Kong pai kik ciangin, ama tungah na bona dang theampo zongh kong pia tu hi,’ ” ci hi.

Luke 7:41

Jesus in, “Sum pukthaak khat pa tungah leiba mihing nii om hi. Khat in dangkatang za nga ama tungah ba a, a khat sia in sawmnga ba hi.

John 6:7

Philip in, “Mihing sim ii tawmno tek a neak khom tu bek zongh ngun dangka zanii vaal taw anluum lei kul tu hi,” ci in zo hi.

Thuhil kikna 15:2

Hi bangin vawt tu ahi hi. Israel a mipui khat pawpo tungah sum a puk sia in a sumpuk teng maisak tu hi; leiba siik nawn ngawl tu hi; banghang ziam cile Topa in tua leiba kimaisak zo hi, ci in thangsak zo hi.