Matthew 18:25 - Syin Chin Bible

²⁵ Naseampa in a liau tu sum nei ngawl hi. Tua ahikom Kumpipa in, tua pa ii zi taw a tate taw a neisa theampo taw sila a zuak tu in thupia hi. A leiba kilo natu ahi hi.

Matthew 18:25 Iomraidhean Croise

2 Kumpite 4:1

Kamsaang honkhat sung a kihel khat ii zi meingong nu sia Elisha kungah pai in, “Topa awng, ka pasal thi zo hi! Na heak bangma in ama sia Pathian kiita pasal khat hi, ahihang tu in a leibatna pasal khat in, ka pasal ii leiba taangin ka tate nii sila in a la tu hong pai zo hi,” ci in son hi.

Nehemiah 5:5

Ih Judah mipuite taw minam kibang khu hi. Ka tate amate tate taw kibangin pha hi ngawl ziam? Ahizong ka tate sila ka suasak kul hi. Ka tanute pawlkhat sila in kizuak zo hi. Ko cimaw khu hi, banghang ziam cile koma ii lote le sapithuante hong kilaaksak zo hi,” ci lai uh hi.

Nehemiah 5:8

amate tungah, “Ngamdangte tungah amate le amate a kizuak ih Judah mealheakte sia ih hi theiza in ih tan kik hi. Tu in Judah a mipuite ahi note tungah amate le amate hong kizuak natu in na mealheakte zawthawk vawt nu hi!” ka ci hi. A lampuite thim dide in om a, bangma son thei ngawl uh hi.

Pusuana 21:2

Hebrew mi sila in na lei uh le, kum luk sung na hong sepsak tu hi. Kum sali kumin bangma pia ngawlin kisuaktasak tu hi.

Isaiah 50:1

Topa in, “Pasal khat in a zi a khul bangin keima in ka mite hawlkeak hong sa nu ziam? Tua ahile, zi khulna laite koisungah om ziam? Mihing khat in a tate sila in a zuak bangin, keima in note saltaang tu in zuak hong sa nu ziam? Hi ngawl hi, noma mawna hangin saltaang in a pai na hi uh a; noma khialna liante hangin hong kihawl khia ahi hi.

Thiampite 25:39

Na nai a, a teang Israel na mipui khat a zawn mama hu in sila khat bangin ama le ama hong kizuak le sila nasepte na seamsak buatu hi.

Matthew 18:24

Hi bangin vawt tu a kipat ciangin, amate sung panin, talen awn tam mama leiba nei khat hong kipaipui hi.

Luke 7:42

A nii ma in, lo kik zo ngawl ahikom, ama in amate ngeal ii leibatte maisak hi. Tua ahile, a koisia zaw in ama a it zaw tu ziam?” ci hi.