Matthew 18:22 - Syin Chin Bible

²² “Salivei dong hi ngawlin, sali mun sawmsalivei dong, maisak in,” Jesus in ci hi.

Matthew 18:22 Iomraidhean Croise

Pianciilna 4:24

Cain kithalup manin a nuntakna sali taw kithuk kik ahile, kei hong thatlum a om le a sawmsali le salivei in kithuk kik tu hi,” ci hi.

Isaiah 55:7

Mi seksolte in amate ii nuntakna zia nusia tahen a, a ngaisutna zia kheal tahen. Topa ih Pathian kungah amate in zuan tahen; Topa in hong hesuak thei a, mawna hong maisak papai hi.

Micah 7:19

Nangma in kote khatvei ma nong hesuak kik tu hi. Kote ii mawna khialnate na peang nuai ah na siikcip tu a, tuipi taw ah na khiasuk tu hi!

Matthew 18:23

“Banghang ziam cile Vantung ngam sia hi bang ahi hi. Khatvei lai in kumpipa khat in a naseamte sazian sit tu in khensat hi.

Mark 11:25

Thungenin na din uh ciang, khat po tungah diksak ngawlna na nei uh le, maisak tavun,

Romete 12:21

Siatna in zosak heak vun; siatna sia phatna taw na zozaw vun.

Ephesus te 4:26

Na thin uh a uuk le, na thin uukna in, mawna sung thensak heak vun, thin uukna taw na nivui heak vun.

Ephesus te 4:31

Thin natna, thin tomna le thin uukna theampo na vawk vun. Ki oksatna ahibuale kiselnona, ki etsatna a tuatuamte theampo vawk vun.

Colossae te 3:13

Khat le khat na kidual vun a, a dang khat ii tungah lungkim ngawlna a nei khat po na om uh ciangin, khat le khat kimaisak vun. Topa in note mawna hong maisak bangma in note zongh khat le khat na kimaisak vun.

1 Timothy 2:8

Pawlpi sungah biakpiak simin, thin uukna le kinialna om ngawlin, a khut laamin thungen thei a, Pathian tungah a kipumpiak pasalte ii thu a nget tu ka dei hi.