Matthew 18:17 - Syin Chin Bible

¹⁷ Tuaciangin amate zongh in, a sonpui thei bua lai le, pawlpi bup mai ah a vekpi in son siat tavun. Pawlpi thu zongh a ni nuam bua ahile, ama sia doai biate khat bang ahizong, shiadongpa bang ahizong ngaisun tavun.

Matthew 18:17 Iomraidhean Croise

Ezra 6:21

Tua biakpiakna sate saltanna pan hong cia kik Israel te theampo le tua ngam ah a teang doai biate ii biakna nusia a Israel ii Topa Pathian bia tu in hong paite in ne uh hi.

Ezekiel 11:12

Kiimkot ngamte ii thukhamte ni a, kei thukhamte paltan in, ka thupiakte na nit ngawl uh hang ahi hi. Tuasia ciangin, Kei sia Topa ka hi hunlam nong he tu uh hi.”

Matthew 10:3

Philip le Bartholomew; Thomas le shiadongpa Matthew; Alphaeus ii tapa James le Thaddaeus;

Matthew 11:19

Mihing Tapa hong pai a, ama in ne in dawnin a om leleau ciang, ‘Hisia pa en vun! Antuangpa, zutuangpa, shiadongte le pawlsung pan a kipuavawkte ii lawmpa!,’ mihing theampo in ci uh hi. Ahitazong Pathian ii ciimna sia maan tatak hi ci in a piang thute panin kilak hi.”

Matthew 5:46

“No hong itte bek na it uh le, Pathian in banghangin thaman hong pia tu ziam? Shiadongte ngawngawn zongh, tuabangin ngamta kana ngawl ziam?

Matthew 6:7

“Thu na nget uh ciangin, doai biate bangin, khiakna nei ngawl kammal tam mamate zangh heak vun, amate in thunget sau thethei a zak uh ciangin, a pathiante in za tuan tu in um uh hi.

Luke 15:1

Ni khat shiadongte le ngual ii puavawk mihing pawlkhatte in, thu ngai tu in Jesus kungah pai a,

Luke 18:11

Pharisee pa in ama nguak ding a, thungen hi. ‘Pathian awng na tungah ka lungdam hi, banghang ziam cile kei sia ngualdangte bangin ka duhop bua a, leilot ngawlin, numei le pa palngul khialna ka vawt bua hi. Zia sungah shiadongpa bang hi ngawl ka hikom na tungah ka lungdam hi.

1 Corinth te 5:9

Laithak kong at sa sia sungah mihing paktatte taw na kipawl heak vun ci in kong son zo hi.

1 Corinth te 6:1

Mihing khat in a Tapidawpuite khat taw thu a nei ciangin, Pathian ii mihingte ii a khensak tu luangin, bangbangin Pathian he ngawl thukhenmangte mai ah pai ngam ziam?

2 Thessalonica te 3:6

Suapuite awng, kong lamlak nate zui ngawl a, datham nuntakzia taw a nungta suapuite theampo kung panin na kikeam tavun ci in Topa Jesus Christ min taw thu kong pia uh hi.

1 Timothy 6:5

thumaan thutak nei nawn ngawl a, thinsung maan ngawlte ii kam kinialna te piangsak hi. Amate in biakna sia sumhau thei natu lampi khat in ngaisun uh hi.

Joshua 22:15

Amate in Gilead ngam ah Reuben, Gad, le Nisuana Manasseh namte kungah a pai uh hi, Topa ii huam taangpi bup taangin amate tungah hong pau hi.