Matthew 17:5 - Syin Chin Bible

⁵ Tuabangin a pau laitakin, a taang meeikaai khat in amate teng tuam a tuaciangin meeikaai sung panin awnging khat in, “Hi sia in ka it ka Tapa hi a, ama tungah ka lungkim hi; a thu na ngai tavun,” ci hi.

Matthew 17:5 Iomraidhean Croise

Job 38:1

Tua zawkciang vuipi suangval sung pan Topa in Job paupui hi.

Psalm Late 81:7

Ngim na nga laitakin nong sam uh a, kong hun hi. Ka bukna vuipi sung panin kong zo a, Meribah cikte ah note kong ze et hi.

Pusuana 19:19

Lemle aw hong nging vaial hi. Moses in paupui a, Pathian in vanto taw in zo kik hi.

Isaiah 42:1

Topa in, “A tha ka hatsak ka naseampa sia hi sungah om hi — ama sia ka teal pa hi a, ka lungkim hi. Ka thaa taw ama ka dimh zo a, minam theampo tungah thumaanna puak tu hi.

Isaiah 42:21

Topa sia hong ngup tu a ngakla Pathian hi a, tua ahikom a thukhamte le a hilnate thupisak hi, tuaciang ama in tuate a mite ii zatak tu dei hi.

Matthew 12:18

“Hi sungah ka tealsa ka naseampa om hi. Ka lung hong kimsak ka itpa ahi hi. ama tungah ka Thaa ka pia suk tu a, tuaciang ama in, ka thukhenna minam tuatuamte tungah thangsak tu hi.

Matthew 17:6

Nungzuite in tua aw a zaak uh ciangin, amate sia lau mama ahikom lei ah bokcip uh hi.

Matthew 3:17

Tuaciang van panin aw khat in, “Hisia in ka it ka Tapa hi a, ama tungah ka lungkim hi,” ci hi.

Mark 1:11

Vantung panin aw khat nging a, “Nang sia ka it ka Tapa na hi hi. Nang tungah ka lungkim hi,” ci hi.

Mark 9:7

Tuaciangin meeikaai khat hong piang a, a limh taw amate tuamcip hi, tuaciangin meeikaai sung panin aw khat in, “Hi sia ka it ka tapa hi — ama thu ngai vun!” ci hi.

Luke 3:22

Thaa Thiangtho sia a kimu thei pumpi taw ngam vakhu bangin a tungah hong tu hi. Tuaciang aw khat van panin hong nging a, “Nang sia ka it ka Tapa na hi hi. Nang tungah ka lungkim hi,” ci hi.

John 3:16

Pathian in leitung mite hong it mama ahikom, khat bek a nei a Tapa hong pia a, ama a um peuma in thi nawn ngawlin tawntung nuntakna a nga natu ahi hi.

John 3:35

Pa in a Tapa it a, na theampo ama ii vaangletna sungah koi hi.

John 5:37

Kei hong sawlpa ahi Pa zongh in, keima taangin tetti pang hi. Note in ama aw na za ngei bua uh a, a maitang zongh na mu ngei bua uh hi,

Sawltakte 1:9

Hi teng a ci zawkciang, amate mu tangin, van ah ama kilato a, meeikaai in lia hi.

Sawltakte 7:37

Israel te tungah, ‘Pathian ii kei hong thataak bangma in, Pathian in note atu kamsaang khat hong paisak tu hi,’ tua pa in noma mi pui khat hi tu hi’ a ci pa sia Moses ahi hi.

Ephesus te 1:6

A minthang a thuthiamna hu le a it a Tapa sungah eite a thawthongin hong piak letsong hu in, Pathian pok tawng.

Thuhil kikna 18:15

Tuate taangin ama in kei taw a kibang kamsaang khat na mite sung pan no hong puak tu a, ama thu na ni tu uh hi.

Thuhil kikna 18:19

Ama in ka min suangin thuson tu a, ama thu a nial peuma daan ka pia tu hi.

Thuhil kikna 5:22

“Hite sia mual tungah na kikhop uh lai in Topa ii note theampo tungah hong piak thupiakte ahi hi. Meikuang sung pan le meeisaa te sung panin ama in a vaanglian aw taw hong paupui a, hi thupiakte hong pia in thudang hong son ngawl hi. Tuaciang ama in tua teng suangpheak nii tungah at in, kei tungah hong pia hi.

Colossae te 1:13

Ama in khuazing vaangletna sung pan eite hong hun a, a it a Tapa ngam sungah bit takin hong paipui hi.

Hebrew te 5:9

Ama sia a cingtaak a kisuasak zawkciang, ama thu a ni theampo atu in, tawntung ngupna ii naak a suak hi.

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!

Thupualaakna 14:14

Tuaciang khua ka et le, meeikaang khat ka mu a, tua meei tungah mihing bang khat to hi; a lu tungah khamh kumpilukhu khat khu a, a khut sungah phiau hiam khat toai hi.