Matthew 17:4 - Syin Chin Bible

⁴ Tua ahikom Peter in, “Topa hi munah ih om sia bangza in nuam ziam? Na uuk le nang atu buk khat, Moses atu buk khat, le Elijah atu buk khat, puanbuk thum kong saksak tu uh hi,” Jesus munah ci hi.

Matthew 17:4 Iomraidhean Croise

Psalm Late 16:11

Nangma in nuntakna sung hong then lampi nong lak tu hi; nangma II nong ompuina in lungdamna taw hong kidimsak a, nopsakna a tawntungin hong puak hi.

Psalm Late 4:6

Mihing tam mamate in “Topa awng, thupha tamzaw hong pia ta'n a, kote maipha hong pia ta'n” ci in thungen uh hi.

Isaiah 33:17

A zai mama ngam khat, et hoi takin a uk kumpipa sia khatvei na mu kik tu uh hi.

Zechariah 9:17

Tua ngam sia bangza in pha a et hoi tu ziam! Khangnote in tua ngam pan a piang thaw an le sapittui neakna taw a thahat tu uh hi.

Matthew 17:3

Tua zawkciang Jesus sia Moses le Elijah taw thu son khawmin a om uh nungzui thumte in mu uh hi.

Luke 9:33

Tua mihingte nii in Jesus a nusiat ciangin, Peter in, “Topa hi sungah ih om sia bangza in nuam ziam? Buk thum sa tawng, nang atu khat, Moses atu khat, Elijah atu khat sa tawng,” ci hi. (Ama in bang teng pau cisia a he tak bua hi).

John 17:24

“Pa awng! Amate nong piaksa hi a, nong piaksa ka minthanna sia a mu thei natu in, ka omna munah hong om tek tu ka dei hi; banghang ziam cile, simlei a kipiansak ma in, nong it zo hi.

John 7:2

Buk Poai hun nai zo hi,

Philippi te 1:23

Kei sia ka lang le ka lang panin hong kikang hi. Hi nuntakna nusia in Christ taw ka omkhawm nuam mama a, tua in a phazaw kan thu ahi hi;

1 John 3:2

Ka it lawmte awng, ei sia tu in Pathian ii tate ih hi hi, ahihang bang suak tu hi ziam ci in kician ngawl lai hi. Ahihang Christ hong kilaak ciangin eite sia ama taw kibang tu ih hi hunlam ih he hi, banghang ziam cile ama sia ahi bang tatakin ih mu tu hi.

Thupualaakna 21:23

Tuuno sia khuapi ii meiinn hi zo a, Pathian minthanna vaang sia, ama tungah taang zo ahikom, tua khuapi in nitaang le thataang a kisamh bua hi.