Matthew 17:3 - Syin Chin Bible

³ Tua zawkciang Jesus sia Moses le Elijah taw thu son khawmin a om uh nungzui thumte in mu uh hi.

Matthew 17:3 Iomraidhean Croise

1 Kumpite 17:1

Gilead ngam Tishbe panin Elijah a kici kamsaangpa in Ahab kumpipa munah, “A na ka sepsak Israel te ii a nungta Pathian, Topa min taw keima in nang tungah kong sonna pan keima ii kong son kik mateng kum nii ahibuale kum thum sung daaitui ahizong, nguatui ahizong hang tu hi,” ci hi.

Malachi 4:5

“Ahihang a lauhuai le a lian Topa ni hong thet ma in kamsaangpa Elijah kong paisak tu hi.

Matthew 17:2

Amate mu tangin meal kikhealna sia Jesus tungah hong piang hi: a maitang sia ni bangin taang a, a puansilhte sia tee velvol hi.

Matthew 17:4

Tua ahikom Peter in, “Topa hi munah ih om sia bangza in nuam ziam? Na uuk le nang atu buk khat, Moses atu buk khat, le Elijah atu buk khat, puanbuk thum kong saksak tu uh hi,” Jesus munah ci hi.

Mark 9:4

Tuaciang nungzuite thum in Jesus sia Elijah le Moses taw thuson khawmin a om mu uh hi.

Luke 1:17

Ama in kamsaangpa Elijah bangin, vaangletna le thahatna taw Topa mai ah paikhol tu hi. Ama in pate le tate hong ngawmtua kik tu hi, thu ni ngawl mihingte thutang ngaisut theina sungah hong kiheisak kik tu a, Topa atu a kivawt khol mihingte a pian natu in seam tu hi.”

Luke 16:16

Tuiphumpa John hun ciang dongin Moses ii thukhamte le kamsaangte lai atte in thu nei hi; tuasia pan kipan Pathian ngam Lungdamna Thupha kisonin mihing sim in, tuasung ah a tum zawk natu in hanciam tek uh hi.

Luke 24:27

Jesus in ama huvau Moses ii laibute pan a kipan kamsaangte lai at theampo dong Laithiangtho a vekpi sungah a kison teng sonthiang hi.

Luke 24:44

Tua zawkciang ama in, “Note taw kong om lai a, kong sonsa thu teng veuma ahi hi: kei taw kisai a ki at, Moses thukhamte, kamsaangte lai atte, le Psalm te hong taangtun kul hi,” ci hi.

Luke 9:33

Tua mihingte nii in Jesus a nusiat ciangin, Peter in, “Topa hi sungah ih om sia bangza in nuam ziam? Buk thum sa tawng, nang atu khat, Moses atu khat, Elijah atu khat sa tawng,” ci hi. (Ama in bang teng pau cisia a he tak bua hi).

John 1:17

Pathian in Moses tungtawnin Thukham pia hi. Ahihang thuthiamna le thumaan thutak sia Jesus Christ tungtawnin hong pai hi.

Thuhil kikna 18:18

Amate mi sung pan nang taw a kibang kamsaang khat amate ka puak tu hi; a ci tu thute ka son tu a, ka thupiak theampo mipite tungah sonsawn tu hi.

Thuhil kikna 34:10

Topa in ama taw maitang kisi in paupui hi. Moses bang ahi Israel mite sungah kamsaang khat zongh om ngeingawl hi;