Matthew 17:23 - Syin Chin Bible

²³ Tua mihingte in ama sia thatlum tu hi. Ahihang ni thum zawkciangin ama nuntakna sungah kiphongto kik tu hi,” ci hi. Nungzuite sia khuangai mama uh hi.

Matthew 17:23 Iomraidhean Croise

Psalm Late 16:10

thina vaangletna panin hong sungsia na hikom thumaan takin nang atu kong seam hi, tua hi a mithi khua ah nong nusia buatu hi.

Psalm Late 22:15

Ka longtawl sia leivui bangin ko a, ka leei sia ka vadang ah kibelto hi. Leivui sungah a thi tu in nong nusia zo hi.

Isaiah 53:7

“Ama sia nasia tak kivawtsia a, ahihang kiniamkhiakna taw thuak hi; kam khat zongh huthe ngeingawl hi. Ngaw tu bekin a om tuuno khat bang le a mul meet tu bekin a kikoi tuu khat bangin, ama in kam khat beak pau ngawl hi.

Daniel 9:26

Tua hun a bo ciang Pathian tealsa lampuipa sia thuak tuak ngawl bulin kithat tu hi. Tua khuapi le Biakinnpi sia ngal sim tu in hong kuan a thahat ngamukpa khat ii ngalkaphonpi in susia tu hi. A tawpna sia tuiliim bangin hong pai tu a, Pathian ii vawtkhol ahi ngal kisimna le suksiatna hong paipui tu hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Matthew 16:21

Tua hun panin kipan a nungzuite munah Jesus in thiang takin son a, “Jerusalem ah ka pai kul tu a, upate, thiampi liante le Thukham hil syate tung panin, nasia takin thuak tu khi hi. Hong kithatlum tu a, ahihang, ni thum zawkciang, nuntakna sungah hong kiphongto kik tu hi,” ci hi.

Matthew 17:9

Mual tung pan hong tuaksuk kawmin Jesus in, “Mihing Tapa sia thina pan a kithawsak kik mateng hi mukholna sia kuama tungah son heak vun,” ci in thupia hi.

Matthew 20:19

Tua zawkciang Gentile te tungah aap tu a, tuate in selno zazaan in, vel tu a, thatlum tu hi; ahihang ni thum zawkciangin, ama sia nuntakna sungah tho kik tu hi,” ci hi.

Matthew 27:63

“Topa awng, mihing leilot pa in a nuntak lai in, ‘Ni thum zawkciang, nuntakna sungah hong kitho kiksak tu hi,’ a ci ngei sia ka phawk uh hi.

Mark 8:31

Tua zawkciang Jesus in a nungzuite hilna nei tu in kipan hi. “Mihing Tapa in nasia takin ngimna thuak tu a, upate, thiampi liante le Thukham hil syate in nial tu uh hi. Ama thatlum tu a, ni thum zawkciang nuntakna sungah tho kik tu hi,” ci hi.

Mark 9:30

Jesus le a nungzuite in, tua mun nusia in Galilee kaantan in pai uh hi. Jesus in ama omna kuama heak tu a dei bua hi,

John 16:6

Tuaciang tu in hi thu kong son zawkciang na thinsung uh heena taw kidim hi.

John 2:19

Jesus in, “Hi Biakinnpi baltham vun, ni thum sungin sa kik tu khi hi,” ci in zo hi.