Matthew 17:21 - Syin Chin Bible

²¹ Thungetna le an tanna in, hite pawl notkeak zo bek a, nadang in notkeak zo ngawl hi,” ci hi.

Matthew 17:21 Iomraidhean Croise

1 Kumpite 17:20

Tua zawkciang nging takin thungen a, “Oh, Topa ka Pathian awng, banghangin hi bang meingongnu tungah a lauhuai mama in vawt ni ziam? Ama dik a kei hong vaak kasap tu in a tapa thalupsak ni hi!” ci hi.

Daniel 9:3

An ka tang a, khau-ip puan silhin vut sungah to in, Topa Pathian tungah hesuak ngenin nasia tak thu ka ngen hi.

Matthew 12:45

Tuasia ciangin ama pusuak in, ama sangin a siazaw lai doai a dang sali hong tumpui a, tua munah teang uh hi. A tawpna ah tua doai ii teenna mihing sia a kipat lai sangin lawmawk zaw hi. Tu lai mihing siate tungah hi bangma piang tu hi,” ci hi.

Matthew 17:22

Nungzuite theampo Galilee ah hong kikhop uh ciangin, Jesus in amate tungah, “Mihing Tapa sia mihingte khut sungah thalup tu in ki aap dektak zo hi.

Mark 9:29

“Hi bangte sia thungetna simngawl nadang in notkeak thei ngawl hi,” Jesus in ci hi.

Sawltakte 13:2

Topa ii na seamin antangin a om laitak, Thaa Thiangtho in, “Barnabas le Saul sia, amate ka sapna bangin nasep seam tu in, kei atu koituam tavun,” ci hi.

Sawltakte 14:23

Amate in pawlpi sim ah pawlpi upate tealin koi uh a, thungetna le an tanna taw amate ii muan ahi Topa tungah tua upate aap uh hi.

1 Corinth te 7:5

Hun khat sung thungetna in hun na zak thei natu uh thukimna nei masa na hi bua na uh le, khat le khat na kinial heak vun; ahihang tua zawkciangin nupa ngeinate zom kik vun. Hi bangin hi le uhte pumpi kitek laakna hangin, a piang Satan ze etna na lel natu uh pan kikeam zo tu nu hi.

2 Corinth te 11:27

Nasep thil vawt kitatsat ngawl a, mut ka nga ngawl hun tamvei mama hi; ka ngilkial hun le ka dangko hun om a; an ngina ka neak ngawl hun, belh tu nei ngawlin, puansilh ka nei ngawl hun tam pheivei hi.

Ephesus te 6:18

Hite theampo thungetna taw seam vun a, Pathian munah huna na ngen vun. Thaa ii hong lampui bangin, hun theampo sungah thu na ngen vun. Hi thu hu in pilvangin, thinkiam ngei heak vun; Pathian ii mihingte theampo atu thu na ngen tawntung vun.