Matthew 17:20 - Syin Chin Bible

²⁰ Jesus in, “Banghang ziam cile noma in upna kicing nei ngawl nu hi. A tatakin kong ci ciang, ankamhtang cia upna nei hi le uhte hi mual munah, ‘Hi sung panin zialai ah kikhiin in,’ ci in sawl le uhte kikhiin tu hi. Na khat pawpo na vawt thei tu uh hi.

Matthew 17:20 Iomraidhean Croise

Matthew 13:31

Jesus in thusonteena dang khat ma son hi: “Vantung ngam thu sia hi bang hi. Pasal khat in ankamh cii la in lo sungah poai hi.

Matthew 14:29

“Hong pai ta'n!” Jesus in ci hi. Tua ahikom Peter sia ngunkuang sung pan pusuak a, tui tung Jesus kungah lampai tu in kipan hi.

Matthew 17:17

“Bangza ta in upna nei ngawlin a khial mihingte hi nu ziam! No taw bang tan vei hong omkhawm tu khi ziam? A bang tanvei hong dual zo tu khi ziam? Patang sia keima kungah hong paipui tavun!” ci hi.

Matthew 17:19

Tua zawkciang amate nguakin a om laitak, nungzuite Jesus kungah hong pai a, “Banghangin doai hi sia notkeak thei ngawl khu ziam?” ci in dongh uh hi.

Matthew 17:9

Mual tung pan hong tuaksuk kawmin Jesus in, “Mihing Tapa sia thina pan a kithawsak kik mateng hi mukholna sia kuama tungah son heak vun,” ci in thupia hi.

Matthew 21:21

Jesus in “A tatakin kong ci ciang, um in muang la bua po le uhte hi thei tungah ka vawt bangin na vawt thei tu uh hi. Hisia bek zongh hi ngawlin, hi mual munah, ‘Tho to in a, tuipi sungah kilawnsuk in,’ ci le uhte, tuabang ma in hong hi tu hi.

Matthew 8:26

Jesus in, “Banghangin tuaza liangin lau nu ziam? Na upna uh bangza in no ziam?” ci hi. Tua zawkciang ama dingto a, vuipi le tuihualte a thim natu in thupia a, tuasia ciangin thim dide hi.

Mark 11:22

Jesus in amate munah, “Pathian um vun.

Mark 11:23

A tatakin ka ci ciang, khat po in hi mual munah, tho in tuipi sungah kisep in ci in sawl hen a, a thinsung ah lungmang ngawlin a ci sa teng bang piang tu hi ci in a um takpi le, a up bangin piang tu hi.

Mark 4:31

Tuasia hi bang hi. Pasal khat in ankamhcii, leitung a thaicii a nobel sia la in leisung tu hi.

Mark 9:23

Jesus in, “Nangma mama in na um nale hong hu thei khi hi, upna a nei khat tungah na theampo suak thei hi,” ci hi.

Luke 1:37

Banghang ziam cile Pathian in na khat beak vawt mawk a nei bua hi,” ci hi.

Luke 17:6

Topa in zo kik a, “Ankamhtang cia upna nei le uhte hi naailung kung munah, ‘Nangma le nangma kibot in tuipi sungah kiphut in!’ ci le uhte zong na thu uh hong ni tu hi.

Luke 18:27

Jesus in zo a, “Mihing atu a suak thei ngawlte Pathian atu in suak thei hi,” ci hi.

John 11:40

Jesus in ama munah, “Na um le Pathian minthanna na mu tu hi ci in hong son hi ngawl khi ziam?” ci hi.

1 Corinth te 12:9

Tua a kibang Thaa khat sia ma in mihing khat tungah upna pia a, a dang khat tungah ciina damsak theina vaang pia hi.

1 Corinth te 13:2

Pathian ii hu mop thuhil theina nei a; heakna theampo le thuku theampo telna nei a, mualte khiin zawk natu a kisamh upna teng ka nei hangin — itna ka nei buale kei sia bangma ka hi bua hi.

Hebrew te 3:19

Amate in tua ngam sungah tum thei ngawl hi, banghang ziam cile amate in um ngawl ahihang hi ci in ih he hi.