Matthew 17:12 - Syin Chin Bible

¹² “A tatakin ka ci ciang, Elijah hong pai zo a, ahihang mihingte in ama tel ngawl ahikom, ama tungah a uuk uh bang tek po in, ngamta uh hi. Tuasia bangma in, amate in Mihing Tapa zongh vawtsia tu uh hi,” ci hi.

Matthew 17:12 Iomraidhean Croise

Matthew 11:2

Tuiphumpa John in a thongtaakna mun panin, Christ nasepnate a zaak ciangin, a nungzuite pawlkhat kamtai in ama kungah paisak hi.

Matthew 16:21

Tua hun panin kipan a nungzuite munah Jesus in thiang takin son a, “Jerusalem ah ka pai kul tu a, upate, thiampi liante le Thukham hil syate tung panin, nasia takin thuak tu khi hi. Hong kithatlum tu a, ahihang, ni thum zawkciang, nuntakna sungah hong kiphongto kik tu hi,” ci hi.

Matthew 17:11

Jesus in, “Elijah sia hong pai masa takpi tu hi, tuaciang in ama in na theampo kithoai sa in koi tu hi,” ci hi.

Matthew 17:13

Tuasia ciangin a nungzuite in ama sia Tuiphumpa John huvau son hi ta a, ci in tel uh hi.

Matthew 17:22

Nungzuite theampo Galilee ah hong kikhop uh ciangin, Jesus in amate tungah, “Mihing Tapa sia mihingte khut sungah thalup tu in ki aap dektak zo hi.

Matthew 17:9

Mual tung pan hong tuaksuk kawmin Jesus in, “Mihing Tapa sia thina pan a kithawsak kik mateng hi mukholna sia kuama tungah son heak vun,” ci in thupia hi.

Matthew 21:32

Banghang ziam cile Tuiphumpa John hong pai a, thumaan lampi hong hil napi, ama na um bua uh hi; ahihang shiadongte le numei paktatte in um uh hi. Hite na mu zawk ngawngawn in, na thin uh kikheal in na um nuam bua uh hi.”

Matthew 8:20

Jesus in, “Ngiate in kua nei a, vacimte in bu nei uh hi. Ahihang Mihing Tapa in lup natu le, tawlngak natu a nei bua hi,” ci in zo kik hi.

Luke 7:33

Tuiphumpa John hong pai in, ama in an tang a, sapittui ne ngawlin a om ciangin ‘doaivei hi!’ ci nu hi.

John 1:11

Ama in ama ii ngamsung ma a hong pai ahihang a mite in ama a saang bua uh hi.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

Sawltakte 4:10

no teng le Israel mi theampo in hi mihingpa sia thinglamtee tung na thalup, Pathian ii thina pan a phok kik Nazareth mi Jesus Christ min taw dam thiang in hi sung note mai ah hong ding ahi hunlam na heak uh kul tu hi.

Sawltakte 7:52

Na taanghpupite ii a vawtsiat ngawl kamsaang khat beak om ngei kana ziam? Khuangei pek panin, Pathian ii a thutang Naseampa hong pai natu a sonkhol, Pathian kamtaite na thatlum uh hi. Tu in, note in ama leeheak a, suamlum nu hi.