Matthew 16:4 - Syin Chin Bible

⁴ Hi hun ah mihingte bangza in khansia a Pathian um ngawl ziam? Nalamdang lakna hong ngen na hi uh ziam? Vawt ngawl tu khi hi! Jonah nalamdang lakna khat sia bekma note tungah hong kipia tu hi,” ci hi. Tuaciang, amate nusia in paisan hi.

Matthew 16:4 Iomraidhean Croise

Pianciilna 6:3

Tuasia ciang Topa in, “Mihingte sia a nuntak tawntung tu ka oai bua hi; amate cii le sa hi. Tu a kipan kum za le kul kaanin nungta ngawl tu hi,” ci hi.

Isaiah 57:3

No, mimawte awng, thu khenna thuak tu in hi munah hong pai tavun! Note in aisaante, nupa kipalngulte, le pumpi zuak numeite sangin na phazaw tuan bua uh hi.

Hosea 4:17

Israel mite sia milimte ii ngau tawk hi. Amate lampi tek tawn lel tahen.

Hosea 9:12

Ahihang patang a kep a om hial zong tuate ka laaksak tu a, a nungta in khat zongh ka nusiat buatu hi. Hi mite ka taisat ciang amate tungah a lauhuai nate piang tu hi,” ci hi.

Jonah 1:1

Ni khat ni in Topa in Amittai tapa Jonah paupui hi.

Jonah 1:17

Topa sawl bangin ngasa lian khat in Jonah valh a, ama sia ngasa ngil sungah sun thum le zan thum om hi.

Matthew 15:14

“Amate tungtaang ah thinngim heak vun! Amate sia mittawte lampui mittawte ma ahi uh hi; mittaw khat in a dang mittaw khat lam a lak le, a nii in dum sungah taak suk tu hi,” ci hi.

Matthew 16:5

Nungzuite tuili ngalkhat ah a pai uh ciangin anluum a ken tu mangil uh hi.

Mark 8:12

Ahihang Jesus phiing vahumin, “Banghangin tu lai mihingte in nalamdang lakna veu hong ngen ziam? Hong pia ngawl tu khi hi kong ci hi! Hi mihingte tungah tuabang laknate kipia ngawl tu hi!” ci hi.

Mark 8:38

Pathian nei ngawl, hi seksolna khang hun sungah mihing khat po in, kei le keima thu hangin, a mai a zum le, Mihing Tapa sia Pa ii vaangletna le a thiangtho vantunglalangte taw hong paikhop ciangin, Mihing Tapa zongh in tuasia pa atu a maizum tu hi.

Sawltakte 18:6

Amate in nalh in, ama huvau kamsia a pau uh ciang, ama in a lungkim ngawlna a lakna in, a puan tungah leivui baangte thin a, “Na mangthang uh le noma mawna hang hi tu hi! Kei hang hi ngawl tu hi. Tu pan kipan Gentile te kungah pai tu khi hi,” ci hi.

Sawltakte 2:40

Peter in amate tungah zolna le hanthotna kammal tam mama zangh a, “Hi mihing seksolte ii thuak tu daan pan suakta tavun!” ci hi.