Matthew 16:28 - Syin Chin Bible

²⁸ A tatak kong ci ciang, hi lai ah a om mihing pawlkhatte ahile, Mihing Tapa Kumpipa in hong pai a mu mateng in a thi buatu hi,” ci hi.

Matthew 16:28 Iomraidhean Croise

Matthew 10:23

Khuapi khat sungah hong kivawtsiat ciangin, khuapi dang khat ah tai vun. A tatakin kong ci ciang, Mihing Tapa hong pai kik ma in, Israel te khuapi theampo ah na nasep, na khuangkhim zo buatu uh hi.

Matthew 16:13

Jesus in Caesarea Philippi khuahui ngamkhen ah pai a, tua munah, “Mihing Tapa sia ngual in akua ci ziam?” ci in a nungzuite dongh hi.

Matthew 24:3

Jesus in Olive Mual tungah a to laitakin, a nungzuite ama kungah hong pai tuam uh hi. “Hi thu sia bang hun ciangin hong tung tu a, tuaciang nong pai kik tu hun le hun bo tu hun, a lak tu in bang hong piang tu ziam?” ci in dongh uh hi.

Matthew 24:34

Tu laitak a nungta mihingte a thi siat ma in, hi thu sia hong piang tu hi ci in phawk tavun.

Matthew 24:42

“A kingingta sa in om vun, banghang ziam cile Topa hong pai tu ni sia na he bua uh hi.

Matthew 26:64

“Nangma ci bang ahi hi. Ahihang na vekpi tungah kong ci hi: tu pan kipan Mihing Tapa sia Vaanglianbelpa ii ziatsang ah to a, van a meeikaai tung pan hong pai na mu tu uh hi!” ci hi.

Matthew 8:20

Jesus in, “Ngiate in kua nei a, vacimte in bu nei uh hi. Ahihang Mihing Tapa in lup natu le, tawlngak natu a nei bua hi,” ci in zo kik hi.

Mark 13:26

Tua zawkciangin Mihing Tapa sia hong kilangh tu a, meeikaai sungah vaangletna le minthanna lianpi taw hong pai tu hi.

Mark 8:38

Pathian nei ngawl, hi seksolna khang hun sungah mihing khat po in, kei le keima thu hangin, a mai a zum le, Mihing Tapa sia Pa ii vaangletna le a thiangtho vantunglalangte taw hong paikhop ciangin, Mihing Tapa zongh in tuasia pa atu a maizum tu hi.

Mark 9:1

Tuaciang ama pau thua lai a, “A tatakin kong ci ciang, hi sungah a om mihing pawlkhatte in Pathian Ngam sia vaangletna taw hong pai a mu uh mateng a thi buatu hi,” ci hi.

Luke 18:8

A maan tak ka ci ciangin, amate sangah pangin, a manlang takin thu khensak tu hi. Ahitazong Mihing Tapa ii hong pai kik ciangin leitung ah upna a mu tu ziam?” Topa in ci thua hi.

Luke 2:26

Topa ii a ciamsa Messiah a mu mateng a thi ngawl natu in, thinmuanna pia hi.

Luke 9:27

A maan takin kong ci ciang, hi lai a om pawlkhatte in Pathian Ngam a mu phot ngawlin a thi buatu hi.”

John 21:22

Jesus in zo kik a, “Kong pai kik dong ama nungta in ka oai le zong nang bang nuam maw ni ziam, kei hong zui ta'n!” ci hi.

John 8:51

A maan takin kong ci hi: a kuama po ka hilcianna a nite, a thi ngei buatu hi,” ci in zo hi.

John 8:52

Amate in, “Tu in nang sia doai vei na hi hunlam kong telcian uh hi! Abraham thi a, kamsaangte zongh thi hi, tua hi napi na hilcianna a nite peuma thi ngeingawl tu hi, ci ni hi.

Sawltakte 1:11

amate in, “Galilee mite awng, van ento in banghangin tua munah ding top nu ziam? Hi Jesus sia note kung pan vantung ah a kilaak to na mu uh bang tatak ma in hong pai kik tu hi,” ci uh hi.

1 Corinth te 15:23

Ahihang mihing sim amate hun tekin kitho kiksak tu hi: Christ sia a masa phitbelin tho hi; tua zawkciang ama hong pai kik ciang, ama ii mihing teng tho tu hi.

1 Thessalonica te 1:10

hong tung tu Pathian thin uukna pan hong suatak, ama ii thina pan a thawsak, vantung pan hong pai tu — ama Tapa Jesus ngak tu in na om uh thute son hi.

Hebrew te 2:9

Ahihang Pathian ii thuthiamna tungtawnin, mihing theampo atu a thi tu in, vantunglalangte sangin tawmvei hunsung teng a niamzaw in a kivawt Jesus ih mu hi. Thina a thuak hu in tu in minthanna le upatna lukhu a khuk ih mu hi.

James 5:7

Tua ahikom, ka suapuite awng, Topa hong pai mateng in, na thin uh sausak vun. Lothopa khat in, leitang tung pan an manpha hong pian natu sia, bangza in thinsauna taw ngak ziam en vun. Amate in khuapi ngua le tuk ngua sia thinsau takin ngak hi.

2 Peter 1:16

Ih Topa Jesus Christ ii vaangletna taw hong pai natu thu kong heaksak ciangin, phuatawm taanghthute ka sisanh bua uh hi. Ama ii letna sia ka mit uh taw ka mu sa uh ahi hi.

1 John 2:28

Hi hi, ka tate awng, ama taw pumkhat in na om vun, tua hile ama hong kilangh ciangin eite sia thinletna taw ih kidim tu a, ama ii hong pai Ni ciangin maizum in ih buk a kul buatu hi.