Matthew 16:27 - Syin Chin Bible

²⁷ Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.

Matthew 16:27 Iomraidhean Croise

Job 34:11

Ama in mite a sepna bangin tel pia a, amate tungah a kiphu a kilawm bangin vawt hi.

Psalm Late 62:12

Topa awng, nangma tatak ma in mihing sim atu, a sep babangin thaman na pia hi.

Paunakte 24:12

Kei taw bang kisai ziam ci tha tu ni hi, ahihang Pathian in na thinsung tawngh hong he a, tua tungah thu hong khen tu hi. Ama in nang hong en nginge hi; ama in he hi. Tuaciang na sep babangin ama in thaman hong pia tu hi.

Thuhilsya 3:17

Keima le keima, “Pathian in mihing phate le mihing siate a kibangin thu khen tu hi, banghang ziam cile na a kiseam theampo sia a hun a kiciangtan bangin piang tu hi,” ka kici hi.

Jeremiah 17:10

Keima, Topa in, mihingte ngaisutna ka kan a, a thinsung uh ka sittel hi. Ama nuntakzia le a sepzia taw kizui in khat sim tungah ka vawt hi,” ci hi.

Jeremiah 32:19

Nangma in ngealna phate na nei a, naliante na seam hi; mihingte ii a sep a vawt theampo na mu a, amate ii diannate taw kizui in thaman na pia hi.

Ezekiel 18:20

A khial a maw pa sia a thi tu sia ahi hi. Tapa khat in a pa mawnate hu in thuak ngawl tu hi, pa zongh in tapa ii mawnate hu in thuak ngawl tu hi. Mipha khat sia a pha a vawtna hu in thaman kipia tu a, mi ngilo khat in a sia a vawtna hu in thuak tu hi.

Ezekiel 7:27

Kumpipa khuangai in mau tu a, kumpipa tapa sia lametna bo in, tuaciang mite lau in liing tu uh hi. Na sepsa na vawtsate theampo hu in nang daan kong pia tu a, ngual tungah thu na khen bangin, na tungah thu kong khen tu hi. Hisia in, Keima sia Topa ka hina nang hong lak tu hi,” ci hi.

Daniel 7:10

tua mun panin meikuang a kipee in hong pusuak hi. Ama ii naseam tu in mihing tul tam mama tua munah om a, ama mai ah mihing awn tam mama ding uh hi. Thukhen natu hun kipan a, laibute kihong hi.

Zechariah 14:5

Mual khen nii in a khen, tua kuam kaantanin no na suakta tu uh hi. Judah kumpipa Uzziah hunsung zinliin lai in, na taanghpupite tai bangin na tai tu uh hi. Topa ka Pathian in vantunglalang theampo hong pai pui tu hi.

Matthew 13:41

Mihing Tapa in, midangte a khialsakte le a sia vawt theampo khawm tu in, a vantunglalangte sawl tu a,

Matthew 13:49

Hun bo ciangin hi bangin kingamta tu hi: vantunglalangte pai in mihing phate kawm panin mihing ngilote khawmtua in,

Matthew 24:30

Tuasia ciang Mihing Tapa ii lim sia van ah hong kilangh tu hi; Mihing Tapa sia van ah meeikaai tung pan vaangletna le minthanna lianpi taw hong pai a mu uh ciangin, leitung mihing theampo kap tu uh hi.

Matthew 25:31

“Mihing Tapa sia Kumpi bangin vantunglalangte taw hong pai ciangin, a kumpi tokhum tungah to tu a,

Matthew 26:64

“Nangma ci bang ahi hi. Ahihang na vekpi tungah kong ci hi: tu pan kipan Mihing Tapa sia Vaanglianbelpa ii ziatsang ah to a, van a meeikaai tung pan hong pai na mu tu uh hi!” ci hi.

Matthew 8:20

Jesus in, “Ngiate in kua nei a, vacimte in bu nei uh hi. Ahihang Mihing Tapa in lup natu le, tawlngak natu a nei bua hi,” ci in zo kik hi.

Mark 14:62

“Hi khi hi, no theampo in, Mihing Tapa sia Vaanglianbelpa ziatsang ah to in, vantung ah meeikaaite taw hong pai na mu tu uh hi,” ci in Jesus in zo hi.

Mark 8:38

Pathian nei ngawl, hi seksolna khang hun sungah mihing khat po in, kei le keima thu hangin, a mai a zum le, Mihing Tapa sia Pa ii vaangletna le a thiangtho vantunglalangte taw hong paikhop ciangin, Mihing Tapa zongh in tuasia pa atu a maizum tu hi.

Luke 21:27

Tuaciang Mihing Tapa hong kilangh tu a, vaangletna le minthanna taw meeikaai sungah hong pai tu hi.

Luke 22:69

Ahihang tu pan kipan Mihing Tapa sia Vaanglianbel Pathianziatsang ah hong to tu hi,” ci hi.

Luke 9:26

Mihing khat in kei le ka hilnate tungtaang ah a mai a zum le, Mihing Tapa in ama ii vaangletna, Pa vaangletna le vantunglalang thiangthote ii vaangletna taw hong pai ciangin tua mipa tungah a maizum tu hi.

John 21:22

Jesus in zo kik a, “Kong pai kik dong ama nungta in ka oai le zong nang bang nuam maw ni ziam, kei hong zui ta'n!” ci hi.

John 21:23

Tua ahikom tua nungzuipa thi ngawl tu hi, ci in Jesus nungzuite sungah thu kizel hi. Ahihang Jesus in ama a thi buatu hi, a ci hi ngawl hi; ama in “Kong pai kik dong nungta in ka oai le zong bang nuam maw ni ziam?” a ci ahi hi.

Sawltakte 1:11

amate in, “Galilee mite awng, van ento in banghangin tua munah ding top nu ziam? Hi Jesus sia note kung pan vantung ah a kilaak to na mu uh bang tatak ma in hong pai kik tu hi,” ci uh hi.

Romete 14:12

Tua ahikom eite khat simin ih hi babang Pathian tungah ih pualaak tu hi.

Romete 2:6

Banghang ziam cile Pathian in mihing sim in a sep a vawt bangin thaman a pia tu hi.

1 Corinth te 15:23

Ahihang mihing sim amate hun tekin kitho kiksak tu hi: Christ sia a masa phitbelin tho hi; tua zawkciang ama hong pai kik ciang, ama ii mihing teng tho tu hi.

1 Corinth te 3:13

Tuaciang mihing khat sim ii nasepna a phat le a phat ngawl sia Christ Ni in a pholaak ciangin kimu tu hi. Banghang ziam cile tua Ni in meikuang in mihing sim ii nasepna kilanghsak tu hi; meikuang in tua nasepnate sittel tu a, a phatna le a siatna lak thiang tu hi.

1 Corinth te 8:8

Ahizong an in Pathian taw kizopna phatuamsak ngawl tu hi; ih neak ngawl hang bangma ih sumh buatu a, ih neak hang zong bangma kimeet tuan ngawl tu hi.

2 Corinth te 5:10

Banghang ziam cile eite theampo thukhenna thuak tu in Christ mai ah ih ding nanak tu hi. Mihing khat simin a leitung pumpi nuntak sungah ama ii sepna a pha a sia taw a kiphu a kilawm in nga tek tu uh hi.

Ephesus te 6:8

Topa in sila hikale sila ngawl hikale mihing sim ii a sep nasep pha tungtaang ah thaman pia tu ci in na phawk tavun.

Colossae te 3:25

Tuaciangin ngamtat khialna a nei theampo sia a khialna bangin thuak tu hi, banghang ziam cile Pathian in mihing sim a kibangin thukhen tu hi.

1 Thessalonica te 1:10

hong tung tu Pathian thin uukna pan hong suatak, ama ii thina pan a thawsak, vantung pan hong pai tu — ama Tapa Jesus ngak tu in na om uh thute son hi.

1 Thessalonica te 4:16

Vantunglalangte sung pan a lianbel sia ii aw taw thupiak auna, Pathian lemle aw om tu a, tuaciang Topa ama mama vantung pan hong tuaksuk tu hi. Christ um a, a thite hong tho masabel tu a,

James 5:7

Tua ahikom, ka suapuite awng, Topa hong pai mateng in, na thin uh sausak vun. Lothopa khat in, leitang tung pan an manpha hong pian natu sia, bangza in thinsauna taw ngak ziam en vun. Amate in khuapi ngua le tuk ngua sia thinsau takin ngak hi.

1 Peter 1:17

Mihing khat sim ii a sepna bangin a kibang thukhenna taw mihing theampo thu a khen Pathian tungah thu na nget uh ciang, Pa awng, na ci uh hi; tua ahiciang hi leitung ah nungta in na om uh laiteng ama thasia tavun.

1 John 2:28

Hi hi, ka tate awng, ama taw pumkhat in na om vun, tua hile ama hong kilangh ciangin eite sia thinletna taw ih kidim tu a, ama ii hong pai Ni ciangin maizum in ih buk a kul buatu hi.

Jude 1:14

Adam suan a khang salina, Enoch in hi bangin, amate huvau sonkhol hi. “Topa sia a vantunglalang thiangtho tul tam mama te taw hong pai tu a,

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!

Thupualaakna 2:23

A nungzuite zongh ka thatlum tu hi, tuasia ciangin pawlpi theampo in kei sia mihing theampo ii ngaisutna le a deina a he siat pa ka hi hunlam hong he tu hi. Note khat tek na ngamtat uh babangin kong thuk tu hi.

Thupualaakna 20:12

Tuaciangin a thite a lian le a no a kibangin kumpi tokhum mai ah a ding ka mu hi. Laibute kihong a, tua zawkciang a nungtate tepteena laibu dang khat zongh kihong hi. A thite sia tua laibu sungah amate ngamtatna a kitepteena bangin thu kikhen hi.