Matthew 16:24 - Syin Chin Bible

²⁴ Tua zawkciang Jesus in a nungzuite munah, “Khat po in kei hong zui nuam le ama le ama kinial in, a thinglamtee pua in, ka nung hong zui tahen.

Matthew 16:24 Iomraidhean Croise

Matthew 10:38

a kuama po, a thinglamtee kisuanhin ka nung hong zui ngawlte, kei nungzui tu in kiphu ngawl hi.

Matthew 27:32

Amate a pusua uh ciang, Cyrene mi Simon a kici khat taw kisi uh a, ngalkapte in zawthawk thu taw Jesus thinglamtee puasak uh hi.

Mark 10:21

Jesus in ama itna taw en in, “Na kisap khat bek om lai hi. Va pai ta'n a na neisa theampo zuakin, na sum nga teng mizawngte pia ta'n; tuasia ciang vantung ah hauna na nei tu hi; tua zawkciang hong pai ta'n a, ka nung hong zui ta'n,” ci hi.

Mark 15:21

Ngamsung pan khuapi sungah hong pai Simon a kici pasal khat taw lampi ah kisi a, ngalkapte in ama sia zawthawk thu taw Jesus ii thinglamtee puasak uh hi. (Tua Simon sia Cyrene pan hi a, Alexander le Rufuste ii pa ahi hi.)

Mark 8:34

Tua zawkciang Jesus in mihonte le a nungzuite ama kungah sam a, “Mihing khat po in kei hong zui nuam le, ama le ama kinial in, a thinglamtee pua in hong zui tahen.

Luke 14:27

Ama thinglamtee pua in hong zui ngawl po ka nungzui a suak thei buatu hi.

Luke 23:26

Ngalkapte in Jesus paipui uh a, tuabang a pai laitakin, ngamsung pan khuapi sungah hong pai Simon a kici Cyrene khua mipa taw kisi uh hi. Amate in tuasia pa man a, thinglamtee suan in Jesus nungzui in puasak hi.

John 19:17

A thinglamtee pua in ama hong pusuak a, “Lungu Mun” a kici na hong theng hi. (Hebrew kam in Golgotha kici hi)

John 21:19

(Hi bang a Jesus ii a ci sia Pathian minthan natu in Peter ii a thi natu teng a sonna hi.) Tua zawkciang Jesus in, “Kei hong zui ta'n,” ci hi.

John 21:22

Jesus in zo kik a, “Kong pai kik dong ama nungta in ka oai le zong nang bang nuam maw ni ziam, kei hong zui ta'n!” ci hi.

Sawltakte 14:22

Amate in thu umte thakho sua uh a, upna sungah thumaan in a kip natu uh hanthawn uh hi. “Pathian Ngam sungah ih tum thei natu in, ngimna tam mama ih kaantan kul tu hi,” ci in hil uh hi.

Colossae te 1:24

Tu in no atu ka thuak nate tungtaang ah ka lungdam hi, banghang ziam cile a pumpi ahi pawlpi atu Christ ii thuak tu a om laite a khuangkhim natu in keima in cii le sa taw ka thuak ciangin a hu ka hi hi.

1 Thessalonica te 3:3

hi vawtsiatna hu in, kuama na nungtol kik ngawl natu ka deina uh ahi hi. Tuabang vawtsiatna in Pathian ii ei atu a deina thu khat om hi ci in, noma ma in na he uh hi.

2 Timothy 3:12

A kuama po Jesus Christ taw kipawlin, Pathian dei bang nuntakna a nungta nuamte sia kivawtsia tu hi.

1 Peter 2:21

Pathian in no hong sapna sia hi thu hang ahi hi, banghang ziam cile Christ ama mama in, no atu in thuak a, ama khuani na zui thei natu in ettee tu hong nusiat hi.