Matthew 16:23 - Syin Chin Bible

²³ Jesus kingeilee in, Peter munah, “Kei kung panin tai in, Satan awng! Nang sia kei mai hong khaktan na hi hi, banghang ziam cile hi khua ngaisutnate sia Pathian kung panin hong pai hi ngawlin, mihing pianzia sung pan hong pai ahi hi,” ci hi.

Matthew 16:23 Iomraidhean Croise

Pianciilna 3:17

Tuaciang ama in mihingpa tungah, “Na zi thu son ni in, ne heak in, kong ci thingnga sia ne ni hi. Tuabang ngamta na hikom nang hangin leitangh in haamsiatna thuak hi. Leisung pan nangma atu an a khom a pian natu in, na nuntak sung tawntung haksa takin na na seam tu hi.

2 Samuel 19:22

Ahizong David in Abishai le a suapuipa Joab munah, “A kua in no ngaisutna hong ngen ziam? Ngim hong pia tu nu ziam? Tu in kei Israel ii kumpipa hi zo khi hi, tuaciang tu ni in Israel te kuama kithatlum ngawl tu hi,” ci hi.

1 Khangtaanghthu 21:1

Satan in Israel mite tungah ngimna thengsak nuam ahikom ama in David sia mi simna vawt tu in khensatsak hi.

Isaiah 8:14

Keima ii a lamdang thianthona hangin mihingte lutu theina suangtum khat taw ka kibang hi; keima in Judah le Israel kumpi ngammite le Jerusalem khua mite a awksak tu thaang khat taw ka kibang hi.

Matthew 16:22

Peter in Jesus sia samtuamin teih hi. “Topa awng, tuabangin na thuak tu sia Pathian in hong khaam tahen! Tuabang peuma in, nang tungah hong piang heak hen!” ci hi.

Matthew 18:7

Mihingte upna a lalsak thei nate om ahikom, hi leitung atu bangza in kiitakhuai ziam? Tuabangte sia hong piang tawntung tu hi, ahihang tuabang a piangsakte atu in, bangza in lauhuai ziam?

Matthew 4:10

Tuasia ciang Jesus in, “Satan awng, tai in! Laithiangtho in, ‘Na Topa Pathian bek bia vun a, Ama atu bek sepsak vun!’ ci hi,” a ci hi.

Mark 8:33

Ahihang Jesus hong kingeilee a, a nungzuite en in, Peter teih hi. “Kei kung pan tai in Satan awng, na khua ngaisutna Pathian kung pan hong pai hi ngawlin, mihing pianzia sung pan hong pai ahi hi!” ci hi.

Luke 4:8

Jesus in “Laithiangtho in na Topa Pathian bek na bia tu a, ama atu bekma na seam tu hi ci hi!” ci in zo kik hi.

John 6:70

Jesus in, “No sawm le nii teng, keima kong teal hi kana ngawl nu ziam? Tua hi napi, no sungah khat sia doai ahi hi,” ci hi.

Romete 14:13

Tua ahikom khat le khat, thu ih kikhen buatu hi. Tua hi ngawl zaw in na khensat tu uh sia in hisia ahi hi. Na suapuipa lutu natu ahizong, mawna sung a pu natu ahizong bangma vawt heak vun.

Romete 14:21

Na suapuipa a puk natu a piangsak thei sa ahizong, sapittui ahizong, ngamtatna khat pawpo ahizong, tang le uhte ngamtatna maanbel ahi hi.

Philippi te 3:19

Amate sia a khakbel ciangin hell theng tu uh hi, banghang ziam cile cii le sa deinate sia amate ii pathian ahi hi. A maizum huai, a thasiathuaite thangphatna in la uh a, leitung neisa nate bekma ngaisun uh hi.

Colossae te 3:2

Tua munah na ngaisutna uh phut vun a, hi leitung ah phut heak vun.