Matthew 16:21 - Syin Chin Bible

²¹ Tua hun panin kipan a nungzuite munah Jesus in thiang takin son a, “Jerusalem ah ka pai kul tu a, upate, thiampi liante le Thukham hil syate tung panin, nasia takin thuak tu khi hi. Hong kithatlum tu a, ahihang, ni thum zawkciang, nuntakna sungah hong kiphongto kik tu hi,” ci hi.

Matthew 16:21 Iomraidhean Croise

Matthew 12:40

Jonah in sun thum le zan thum ngasa lian ii ngil sungah a om bangin, Mihing Tapa zongh sun thum le zan thum leithukna sungah om tu hi.

Matthew 16:22

Peter in Jesus sia samtuamin teih hi. “Topa awng, tuabangin na thuak tu sia Pathian in hong khaam tahen! Tuabang peuma in, nang tungah hong piang heak hen!” ci hi.

Matthew 16:28

A tatak kong ci ciang, hi lai ah a om mihing pawlkhatte ahile, Mihing Tapa Kumpipa in hong pai a mu mateng in a thi buatu hi,” ci hi.

Matthew 17:12

“A tatakin ka ci ciang, Elijah hong pai zo a, ahihang mihingte in ama tel ngawl ahikom, ama tungah a uuk uh bang tek po in, ngamta uh hi. Tuasia bangma in, amate in Mihing Tapa zongh vawtsia tu uh hi,” ci hi.

Matthew 17:9

Mual tung pan hong tuaksuk kawmin Jesus in, “Mihing Tapa sia thina pan a kithawsak kik mateng hi mukholna sia kuama tungah son heak vun,” ci in thupia hi.

Matthew 20:28

Mihing Tapa in ngual na sawl tu in hong pai ngawl a, naseam tu le a nuntakna pia in, mihing tam mamate tan tu in hong pai hi,” ci hi.

Matthew 26:2

“Na heak uh bangma, ni nii zawkciang Paisan Poai hong theng tu a, tuaciang Mihing Tapa sia thinglamtee tungah thalup tu in ki aap tu hi,” ci hi.

Matthew 26:47

Jesus sia tuabangin a papau laitak, nungzui sawm le nii sungah khat ahi Judas hong theng hi. Namsau le moltawng a toai, thiampi liante le upate ii a sawl mihon khat, ama in hong tonpui hi.

Matthew 27:12

Ahihang thiampi liante le upate ii mawsiatnate huvau sia bangma zona a nei bua hi.

Matthew 27:63

“Topa awng, mihing leilot pa in a nuntak lai in, ‘Ni thum zawkciang, nuntakna sungah hong kitho kiksak tu hi,’ a ci ngei sia ka phawk uh hi.

Matthew 28:6

Ama in hi sungah om ngawl hi! Ama hong sonsa bangma in kitho kiksak zo hi. Hi sungah hong pai tavun a, a lupna hong en tavun.

Mark 8:31

Tua zawkciang Jesus in a nungzuite hilna nei tu in kipan hi. “Mihing Tapa in nasia takin ngimna thuak tu a, upate, thiampi liante le Thukham hil syate in nial tu uh hi. Ama thatlum tu a, ni thum zawkciang nuntakna sungah tho kik tu hi,” ci hi.

Mark 9:12

A zo kikna pan, “Na theampo puua khol tu in Elijah hong pai masa takpi hi. Ahitazong, Mihing Tapa in nasia takin thuak tu a, ama kinial tu hi, banghangin Laithiangtho in ci ziam?

Luke 17:25

Ahizong ama in nasia takin hong thuak masa tu a, tu hun mihingte in hong nial tu hi.

Luke 24:46

tuaciang ama in amate tungah, “A ki at sia hisia hi: Messiah in thuak tu hi, a ni thum zawkciangin thina pan tho kik tu a;

Luke 9:31

amate in vantung vaangletna taw hong kilangh in, Jerusalem ah a thi natu Pathian tupna huvau a khuangkhim nai na thu Jesus taw kikum uh hi.