Matthew 16:16 - Syin Chin Bible

¹⁶ Simon Peter in zo a, “Nang sia Messiah, a nungta Pathian Tapa na hi hi,” ci hi.

Matthew 16:16 Iomraidhean Croise

Psalm Late 2:7

Kumpipa in “Topa thu khensatna son tu khi hi,” ci hi. Ama in kei tungah hi bangin hong ci hi, “Nang sia ka tapa na hi hi, tuni in na pa ka suak zo hi.”

Psalm Late 42:2

Nang a nungta Pathian sia tui du bangin kong thangai hi; bang hun ciang nang omna munah hong pai in hong bia thei tu khi ziam?

Daniel 6:26

Ka kumpi ngamlian sung a om mihingte theampo in Daniel ii Pathian a kiitak natu le a zatak natu in thu ka pia hi. “Ama in a nungta Pathian hi a, a tawntungin uk tu hi. A ngam kisiasak ngeingawl tu a, a vaangletna bo ngeingawl tu hi.

Matthew 1:16

Jacob ta Joseph hi a, Christ kici Jesus Nu Mary pasal ahi hi.

Matthew 14:33

Tuasia ciangin ngunkuang sung a om nungzuite in Jesus bia uh hi. “Pathian Tapa takpi ma na hi hi!” ci in au uh hi.

Matthew 16:15

“Note in kei sia akua hi nong ci uh ziam?,” ci in dongh hi.

Matthew 26:63

Ahihang Jesus a huthe bua hi. Khatvei ma Thiampi Lianbelpa in ama tungah, “A nungta Pathian min taw nang sia kiciamna hong vawtsak khi hi: Pathian Tapa Messiah na hi ziam, hong son ta'n,” ci hi.

Matthew 27:54

Ngalkap hon ukpa le Jesus a cing ngalkapte in zinliing le thupiang dang theampo a mu uh ciang, lau mama a, “Ama sia Pathian Tapa tatak hi!” ci uh hi.

Matthew 4:3

Tuasia ciang Doaimangpa hong pai a, “Pathian Tapa na hi le suang hite anluum suaksak in,” ci hi.

Mark 14:61

Jesus huthe ngawlin om a, kam khat zongh a pau bua hi. Tuaciangin Thiampi Lianbelpa in, khatvei ma, “Nang Thupha toai Pathian Tapa Messiah na hi ziam,” ci hi.

Luke 2:11

Tuni mama in David khua ah note hong Hunpa — Christ Topa suak zo hi.

John 1:49

Nathanael in, “Syapa awng, nang sia Pathian Tapa na hi hi! Israel Kumpipa na hi hi!” ci hi.

John 11:27

Ama in, “Um khi hi, Topa awng! Leitung ah hong pai tu, Pathian Tapa Messiah na hi sia hong um khi hi,” ci in zo hi.

John 20:31

Ahihang hite hong ki atna sia Jesus in Pathian Tapa Messiah a hina thu, na up natu uh le ama na upna uh tungtawnin, nuntakna na nga thei natu uh ahi hi.

John 6:57

A nungta Pa in kei hong sawl a, ama hangin, kei zongh ka nungta hi. Tuasia bangma in, kei hong ne peuma kei hangin nungta tu hi.

John 6:68

Simon Peter in, “Topa awng, akua kung pai tu khu ziam? Tawntung nuntakna a pia kammalte nangma in na nei hi.

John 6:69

Tuaciangin nang sia Pathian kung pan hong pai, a Thiangtho Pa na hi hunlam tu in kong he uh a, kong um uh hi,” ci in zo hi.

Sawltakte 14:15

“Banghangin hi bangin, ngamta thong nu ziam? Ko zongh mihing thawthong hi a, noma bangma hi lel khu hi! Ko sia hi sungah, Lungdamna Thupha thangsak tu, hi a man nei ngawl nate panin a nungta Pathian sangah hong kiheaksak tu ka hi uh hi. Tua Pathian in vantung, leitung, tuipi, le tuate sung a om theampo a vawtpa ahi hi.

Sawltakte 8:36

Tuabangin a pai susuk ciangin tui omna mun khat theng hi, tuaciang Ulianpa in, “Hi sungah tui om hi. Tui ka kiphum natu in bang in hong khak ziam,” ci hi.

Sawltakte 8:37

Philip in ama tungah “Na thin theampo taw na um le, tui kiphum thei tu ni hi,” ci hi. Ama in “Um khi hi. Jesus Christ sia Pathian Tapa hi, ci in um khi hi,” ci in zo hi.

Sawltakte 9:20

Ama in Jew te ii synagogue ah paisuak a, Jesus sia Pathian Tapa hi ci in thuhil tu in kipan hi.

Romete 1:4

Pathian pianzia taw ci leang thina panin a lian vaangletna taw a kithawsak kikna in Pathian Tapa a hina kilanghsak hi.

2 Corinth te 1:19

Banghang ziam cile Silas, Timothy le keima ii kong hil Pathian Tapa Jesus Christ sia “hi” le “hi bo” ci khop tu hi ngawl hi; ama sia Pathian ii “Hi” a cisia pa ahi zaw hi;

2 Corinth te 3:3

Christ ama mama in hi laithak at in kote puak tu in hong thaak a hina thu kitel mama hi. Tua lai sia laitui taw ki at ngawlin, a nungta Pathian ii Thaa taw ki at a, suangpheak tungah ki at ngawlin, mihingte lungtang tungah ki at hi.

2 Corinth te 6:16

Pathian ii biakinn sia doai biakna milimte taw bangbangin thukimna vawt thei tu ziam? Banghang ziam cile eite sia a nungta Pathian biakinn ih hi hi! Pathian in: “Ka mite sungah ka inn ka vawt tu a, amate sungah ka teang tu hi; keima in amate Pathian ka hi tu a, amate in keima mihingte ahi tu uh hi,” ci hi.

Thuhil kikna 5:26

A nungta Pathian ii meikuang sung pan a paupuina a zaak zawkciang a nungta mihing om ngei na ziam?

1 Thessalonica te 1:9

Tua mihing theampo in kong haw uh lai a, nong saan zia uh, milim biakna pan Pathian sangah na kikhealna uhte son tek a, a maan le a nungta Pathian atu sepsak tu le,

1 Timothy 3:15

Ahihang kong hai tha le hi laithakin a nungta Pathian ii pawlpi, thumaan thutak ii dinna le a panpui ahi Pathian bangkua sungah ih ngamtat natu hong hesak tu hi.

1 Timothy 4:10

Mihing theampo le, a tuan in a umte a Ngumpa, a nungta Pathian sungah lametna ih nei hu in eite in nasia takin hanciam a, na ih seam hi.

Hebrew te 10:31

A nungta Pathian khut sung ih taaksuk tu sia lauhuai mama hi!

Hebrew te 12:22

Note Zion Mual le a nungta Pathian khuapi vantung Jerusalem, vantunglalang tul tam mamate omna ah nong pai zaw uh hi.

Hebrew te 3:12

Ka thu uppuite awng, a nungta Pathian kung pan na lampial ngawl natu in, no sungah kuama peuma in ngitlona thinsung le up ngawlna thin na nei ngawl natu in kidawm tavun.

Hebrew te 9:14

Hisia thumaan ahikom, Christ ii chisan in bangza in seam zozaw seseam tu ziam! Tawntung Thaa tungtawnin, ama in Pathian tungah ama le ama a cialcing sangaw biakpiakna in, kipia zo hi. Ama chisan in a mannung ngawl biakna huvau panin, ih thinsung hong thiangsak tu hi.

1 John 4:15

Khat po in Jesus sia Pathian Tapa hi ci in a pualaak le ama in Pathian taw pumkhatin nungta a, Pathian in ama taw pumkhatin nungta tu hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.

1 John 5:5

A kua in leitung zo zo tu ziam? Jesus sia Pathian Tapa hi ci in a um sia bek ahi hi.

Thupualaakna 7:2

Tua zawkciang a nungta Pathian ii tepteena toai in nisuana sang pan vantunglalang a dang khat hong paito ka mu hi. Ama in awnging tak taw, leitung le tuipi lalsak tu a, Pathian ii vaang a piak vantunglalang lite sam hi.