Matthew 15:8 - Syin Chin Bible

⁸ ‘Hi mite in a kammal uh taw kei zatakna hong pia hi; ahihang a thinsung sia kei taw kikhuala hi,’ Pathian in ci hi.

Matthew 15:8 Iomraidhean Croise

Paunakte 23:26

Tapa awng, hong nadon ta'n a, ka nuntakna sia nangma ettee tu hisak in.

Isaiah 29:13

Topa in, “Hi mihingte in kong bia tu uh hi hong ci a, ahihang amate kammalte sia khiakna nei ngawlin, a thinsung in thudang ngaisun hi. Amate biakna sia bangma hi ngawlin, a teptee pak uh mihingte zui tu ngeinate bekma hi lel hi.

Jeremiah 12:2

Nangma in amate na suan a, amate in zung tha uh hi; amate khangto in a nga nga uh hi. Amate in a kam in nang hong phat son tawntung uh hi, ahihang a thinsung tatak uh taw nang hong thusim ngawl uh hi.

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Matthew 15:7

No a kihitheamsakte awng! no huvau Isaiah ii sonkholnate bangza in maan ziam!

Mark 7:6

Jesus in a zo kikna ah, “Isaiah in note thu a sonkholna bangza in maan ziam! A kihitheamsak minamte awng, ama in hi bangin at hi: ‘Pathian in, hi mite in a kammal bek uh taw, kei zatakna hong pia uh hi, ahihang a thinsung uh kei taw kikhuala uh hi.

John 1:47

Jesus in ama kungah Nathanael hong pai a mu ciangin, ama thu hi bangin son hi. “Hi sungah, Israel mi tatak khat om hi; ama in paubanna nei ngawl hi!” ci hi.

John 5:23

tua thu sia mihing theampo in Pa a zatak bangma in, Tapa a zatak natu ahi hi. Tapa a zakta ngawl po in ama a sawl ahi Pa sia zakta ngawl hi.

Sawltakte 8:21

Nang in kote nasepna taw kisai nawn ngawl ni hi, banghang ziam cile, Pathian muna ah na thin maan ngawl hi.

Hebrew te 3:12

Ka thu uppuite awng, a nungta Pathian kung pan na lampial ngawl natu in, no sungah kuama peuma in ngitlona thinsung le up ngawlna thin na nei ngawl natu in kidawm tavun.

1 Peter 3:10

Laithiangtho in: “Nuntak nuamin a nungta nuamte le hunphate a mu nuamte in, kam sia pau heak hen a, leilot thuson kheal nanak tahen.