Matthew 15:32 - Syin Chin Bible

³² Jesus in a nungzuite samin “Hi mihingte hu in ka thinnuam ngawl hi, banghang ziam cile, tu in ni thum pha zo a, bangma neak tu nei ngawl hi. Anvaak phot ngawlin cia thongsak nuam ngawl khi hi, banghang ziam cile, a inn uh a zot ciang lampi ah ngilkial in pukhong siat tu hi,” ci hi.

Matthew 15:32 Iomraidhean Croise

2 Kumpite 4:42

Hun dang khat ciang, Baal Shalishah panin pasal khat hong pai a, tua kum in a lak anpal mangtaang taw a vawt anluum luum kul le a balh tawm vaimim ngap pawlkhat hong paipui hi. Elisha in a naseampa munah tua kamsaangte, tuate taw vaakin sawl hi,

Matthew 12:40

Jonah in sun thum le zan thum ngasa lian ii ngil sungah a om bangin, Mihing Tapa zongh sun thum le zan thum leithukna sungah om tu hi.

Matthew 14:13

Jesus in John thute a zaak ciangin, ngunkuang khat sungah to in, a ngamkhingna mun khat ah ama nguakin pai hi. Mipite in tua thu za ahikom a khuapi uh nusia in leilam panin ama zui uh hi.

Matthew 15:33

Nungzuite in, “Hi sennealngam sungah mihing hiza neakkhom tu an, koisung pan nga thong tu khu ziam?” ci uh hi.

Matthew 20:34

Jesus in amate sia khuangai huai sa in, a mitte thamsak a; thakhatin, amate khuamu thei a, amate in ama zui uh hi.

Matthew 27:63

“Topa awng, mihing leilot pa in a nuntak lai in, ‘Ni thum zawkciang, nuntakna sungah hong kitho kiksak tu hi,’ a ci ngei sia ka phawk uh hi.

Matthew 9:36

Mihonte a et ciangin, hesuakhuai sa hi, banghang ziam cile tuucing om ngawl tuuhonte bangin, amate thinngim cimaw in, om uh hi.

Mark 9:22

“Tamvei ma doai in ama thatlum nuamin meikuang sung le tui sungah lawn nithi hi,” ci hi. “Nong hu theina a om le, ko hong hesuak ta'n a hong hu ta'n,” ci hi.

Luke 7:13

Topa in ama a mu ciangin hesuakna thin taw kidim a, “Kap heak in,” ci hi.

Sawltakte 27:33

Khua hong vak mahiat in, Paul in a vekpi in, an tawm tek a neak natu in thuum a: “Tu in ni sawm le ni li ngak zo nu hi. Hi hunsung teng bangma neak nei ngawl nu hi.

Hebrew te 4:15

Ih Thiampi Lianbelpa in ei tha zawmna hong khuangai pui thei ngawlpa ahi bua hi. Tuabang hi ngawl zaw in, Thiampi Lianbelpa in, eima bangma in ze etna namcin na thuak a, ahizong a khial ngei bua hi.