Matthew 15:29 - Syin Chin Bible

²⁹ Jesus in tua mun nusia in Galilee tuili hui ah pai hi. Mualtung khat ah kaato in to hi.

Matthew 15:29 Iomraidhean Croise

Isaiah 9:1

Amate hi bang ngimna hun sung pan a suatak natu lampi om ngawl tu hi. Zebulun minamte le Naphtali minamte teenna ngam sia minsiatna thuak ngei a, ahizong mai sangah hi ngam sia Mediterranean tuipi nisuana ngam sang pan kipan Jordan ngunngal khat dong le ngamdangmite teenna Galilee ngam ngawngawn dongin ngam thupi suak tu hi.

Matthew 13:2

A kiim ah hong kikhawm mihonpite tam mama ahikom, hilna nei tu in ama ngunkuang tungah to a, mipite vaalbo ah ding uh hi.

Matthew 4:18

Galilee tuili hui ah a va laitakin, Jesus in ngasa mante ahi unau nii Simon (Peter kici) le a suapuipa Andrew, tuili sungah ngeen khat taw ngasa manin a om mu hi.

Matthew 5:1

Jesus in mihonpite a mu ciangin mual tungah kaato hi. A nungzuite a kiim ah kikhawm a,

Mark 1:16

Jesus Galilee tuili hui ah a va laitakin, ngasa paai mihing nii, Simon le a suapuipa Andrew ngeen taw ngasa manin a om mu hi.

Luke 5:1

Ni khat Jesus Gennesaret Tuili hui ah dingin mipite in Pathian thu ngai tu in, ama sangah neak ngawp nuamin a kiphulung uh hi.

John 21:1

Hisia zawkciang Jesus khatvei ma Tiberias Tuili ah nungzuite kungah kilaak hi. A kilaakzia hi bang ahi hi.

John 6:1

Tua zawkciang, Galilee tuili (Tiberias Tuili zongh kici) kaantanin Jesus pai hi.

John 6:23

Topa ii lungdam a ko zawkciang mihon ii anluum neakna mun taw a kinaina tuili vaal ah, Tiberias pan hong pai ngunkuang dangte hong theng hi.

Joshua 12:3

tua ii sungah Jordan Kuam, Galilee tuili ii thang pan Beth Jeshimoth (Tuipi Thi ii nisuana sang) dong, tuaciang Pisgah Mual ii mualpeang sang teng kihel hi.